LESHELE 24:7 - Sumi Naga CL (Re-edited) Bible (BSI)

⁷ O khaghoqo, nongu kütsü peqhelo! O mulho hukikhaqo, nongu kütsü peqhelo, ajuküvü kükau no iloghi pelo.

BAIBEL (BSI)

⁷ Nongu kutsu peqhelo, O ahukikhaqo! eno peqhepe alo, O mulholo hukikhaqo! eno ajekipi kukauno iloghilu pelo.

LESHELE 24:7 Iomraidhean Croise

SAMUEL AKINIU 6:17

Panongu no Ampeuw puloshoqhi bohu pewo David no aphiki shiqhe püakeu alou ghope qhive. Eno David no akipti kümllagho ngo külakishi kümllagho pesü Ampeu mlla.

KUKAMI ATUGHIU 8:11

ikehu achinemi ye khüngküsü no nhaluve no akümla shimlave, kughengu Ampeu juküvü no Pa ki nhapho luve ke.

KUKAMI ATUGHIU 8:6

Tishino achinemi no Puloshoqhi bohu pesü Shishe Akimthe-a Cherubim chishibo sükhope akeu qholo qhive.

LESHELE 132:8

Ithulo, O Ampeu, No eno O kughushu Puloshoqhi bohu ishi O kulhokiqhi-a lo ighilo.

LESHELE 21:1

O Ampeu, akükau no O kumto lo alovi ani, eno Ow xakulu lo pa no kishi alovishe ani kela!

LESHELE 21:5

Ow xakulu vecheo pa juküvü ye ighono kije shive; qhivütsünyi keu ngo akükanguagha Nono pa shou betsüe.

LESHELE 97:6

Kungugha no Pa chipiu mikucho pesü sheshu ani eno shiye kümtsü no Pa juküvü ithuluke.

ISAIAH 26:2

Amikucho shiye, O pülü kemi no ilo penike khagho khaqhilo.

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

MICAH 4:8

Eno no, O ambeloji qoghe, Zion limi toghi, azüu kükaqha o lau ighi nani, Jerusalem limi ghenguno ayekipe ighi nani.

HAGAYI 2:7

I no shiye kümtsü süküthü nani, tishikeu lono shiyeqo küakini kümtsü ighi nani, eno I no ajuküvü pesü aki hipau shepichhi nani, ipi aqokitikhi Mpeu no piani.

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

1 Kor. 2:8

Hipa yeghi lo yepemi khumu hi vethamlae, kughengu panongu no ithike aye ajuküvüpu Mpeu yeda moni cheke.

James 2:1

I thiküzümiqo, nongu no ni Mpeu Jisü Khristo, ajuküvü Mpeu lau aküpülü tsüqüpe akelo khilemu agiju kevilo.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”