LESHELE 24:5 - Sumi Naga CL (Re-edited) Bible (BSI)

⁵ Pa ye Ampeu launo kükümgha eno Alhou pa xakuluu launo achipiu mikucho ithulu nani.

BAIBEL (BSI)

⁵ AMPEU no timi tipaqo kumghatsu eno xalu nani; Alhou no pano qoye amikucho kepi nani.

LESHELE 24:5 Iomraidhean Croise

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

LESHELE 68:19

Ampeu sheqhelo, Pa no tsalakipe ni makho putsü cheni; Alhou ye ni xakuluu ke.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 88:1

O Ampeu, I xakulu Lhou; I no putho pucho kupuju O zülo qae.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 46:13

I no I chipiu tsala punukhoi süghi ani, ti ye kushuo lo amoe, eno Iw xakulupu ye süpushu monani; I no Zion xakulupu shitsü nani; Israel ghenguno I juküvü tsü nani.

ISAIAH 51:8

Kughengu apila no aphimini toi panongu tsave nani, eno aninga no asüpha chukeshi panongu chuve nani, ikemu Iw achipiu-mikucho ye alholo ache nani, eno Iw xakulupu ye tiqheli kupuju lo ache nani.”

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Rommi 3:22

Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Galatiami 3:9

Tishiaye, khunono aküpülü ani keno, aküpülü timi Abraham gholono kümghatsü nanie.

Galatiami 5:5

Kughengu ningu ye Aghungu vecheo aküpülü lono achipikani ke khekulho shi laju ani.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.