LESHELE 19:9 - Sumi Naga CL (Re-edited) Bible (BSI)

⁹ Ampeu sümsa keu ye mithe mithei, alhokupuju ache nani; Ampeu yezah ye kuchou, eno thokha lo achipiue.

BAIBEL (BSI)

⁹ AMPEU sumsakeuye aloe; tiye alhokupujulo ache nani. AMPEU wu kughakuthaye achipi; tiye thwokhalo achipi ke.

LESHELE 19:9 Iomraidhean Croise

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

BOTHUBO 42:18

Atsala aküthüni Joseph no panoqo vilo pi, “Hi shilo eno nongu ye xülu nani, kughengu ni ye Alhou sümsa chenie:

KUKAMI ATUGHIU 18:12

I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

LESHELE 10:5

Ala kümtsü lo pa ye ikoishelu cheni; Alhouw küghakütha ye pa launo shishe qhemghai ani; Pa no Pa ghümi kümtsü fuleve cheni.

LESHELE 111:10

Ampeu sükümsa ye alokütsü boqha ke; khunono tipau pape cheni keno vethakulu kivi ani. Pa shekiqhe ye alhokupuju ache nani!

LESHELE 115:13

Kitilami shi aghina kijemi shi aghi namu Ampeu sümsa chekemi ye Pa no kümghatsü nani.

LESHELE 119:1

Khuno laghi no tukutiye küha keno, khunono Ampeu yezah lo checheni keno pano lokivipue!

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

LESHELE 119:111

O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

LESHELE 119:142

O chipiu mikucho ye alhokupuju achipi ke, eno O yezah ye kuchou ke.

LESHELE 119:39

Piküptha I no msa chekeu ikhive tsülo, kughengu Ow pimheyeqo ye akivi ke.

LESHELE 119:62

O mikucho pimheye ghenguno I no zübumta lo ghi idathughi no O sheqhe cheni.

LESHELE 119:7

Kughou I no O mikucho yezah shika luni keno, amlo kimthe pesü I no O sheqheni.

LESHELE 119:75

O Ampeu, I no ithi ani Ow pimheyeqo ye achipie, eno Nono pükhükulu lono I ghimeqhi ke.

LESHELE 12:7

O Ampeu, Nono panoqo jukuto anani; Nono alhokupuju hipa tiqhelimi launo ni süsho nani.

LESHELE 147:19

Pa no Jacob lau Pa tsa sheshu, Pa zakütsü eno pimheye Israel tsüke.

LESHELE 36:1

Axine no kixikilami mlo lo thonhei ishi pisü tsü cheni; pa müzülo Alhou sükümsa kühae.

LESHELE 36:6

O mikucho ye Alhouw naghutoqo toike; Ow küghakütha ye azüghi kutho toike; O Ampeu, Nono timi eno tüghashi xalue.

IPEKULU 21:1

“No ye Ayezah hipaqo panongu zülo qhitsülo.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ISAIAH 45:19

Ni ye aküzü yeghi lono tuqhou no pi püanike kumoe; Ni ye Jacob kughukomi vilo, ‘Adou lono I phulo,’ ipimoe. Ni Ampeu ye kuchou tsa picheni; Ni ye kiu no achipi keno ti sheshu cheni.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Rommi 11:22

Tighenguno tsükhüi shino Alhouw kimiyekini eno Pa yiküsa ithilo: axine lo ikiqive kemi lau ye ayiküsa, ikemu nongu no Paw kimiyekini qholo ake tivilo Pa ye nongu lau kimiyeqhiyi anani. Tikumo aye, nongu ghi micheve nani.

Rommi 2:2

Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani.

ZAKINIU 4:8

Eno ishi I no akhuaye eno pimheye nongu tsü akeu toike amikucho yezah khuno shiye no ani kea?

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 19:2

kughengu Paw küghakütha ye kuchou eno achipie; Pa no kütüqhaliu khuu ngosükümla lhoaye pesü ayeghi shipixi chekeno, li shou küghathabe tsü, eno li shou Pa qemi ji pele keu mkhü lutsüe.”

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.