LESHELE 19:11 - Sumi Naga CL (Re-edited) Bible (BSI)

¹¹ Tinguno alau, tipaqo vecheo O qemi ghutulu cheni; ti papelu keu lo asaxü kije ani.

BAIBEL (BSI)

¹¹ Tinguno alauno, tipaqono ni oqeu ghutu tsu cheni; tipaqo pelukeulo ajume kije ani.

LESHELE 19:11 Iomraidhean Croise

YEKIKITHI AKINIU 19:10

kughou no thiküzümi mishighüna lo ache kemi launo atsakügha kepu nongu lau süghini keno, ti ye aji peleve keu vehu, momu ayezah, azakütsü, pimheye vehu lo, nongu ye panongu ghutu masae, tishianguno panongu ye Ampeu zülo akipimi shimo nani, momu aloghu no nongu eno no thiküzümi shou ikughimo nani. Hitoi shi aye, nongu ye akipimi shimo nani.

LESHELE 119:103

O tsa ye I ghenguno kishita jumghai kela! I kichi lo akhingozü nguno ngonyi ke.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:72

O kichi lono pikeu yezah ye I ghenguno ameshoyi ngo ghükayi qhethonhe nguno akiviu ke.

AHOLE 11:18

Kixikilami ye pishikiqhi jume qelu cheni ikemu khuu no amikucho xusüni keno mtsüqhei no asaxü ithulu cheni.

AHOLE 24:14

O ngulho ghenguno alokütsü ye titoi kepi ithilo, nono ti phulu aye o ghenguno hithiu lajupu ani eno ow ti ye hauvemo nani.

AHOLE 29:18

Khile tungkupu nhetsü küha keno shiye lakhi ye ghaküsü kühave cheni, ikemu Ayezah pelu chekemi ye akümghapue.

EZEKEL 3:3

Pa no I vilo pi, “Timi nu, I no liküküzü kaku hipau o tsü akeu chulo eno hipau pesü o po shepichhi lulo.” Tileno I no chu keloye I kichi lo akhingozü toi ngonyi chulue.

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

MATTHEW 6:18

tishianguno tuqhoushi achekeu o Pu nguno alau ye nono kümvü akeu kütami no ithulu monani. Eno tuqhou no ithulu chekeu o Pu no ajume o tsü nani.

MATTHEW 6:4

tishianguno nono tsü akeu ye tuqhou vehu shilu nani. Eno tuqhou no ithulu chekeu o Pu no ajume o tsü nani.

MATTHEW 6:6

Ikemu kughou nono inikhuni keno, o chebo lo ilolo eno aki khaveno tuqhoushi achekeu o Pu lau inikhu lo. Eno tuqhou no ithulu chekeu o Pu no ajume o tsü nani.

Apostolmi 20:31

Tighenguno tsükhüi alo, I no anhezü piji, ampe küthü kutolo tamono putho pucho nongu lakhikhi shika chekeu kümsü lulo.

1 Kor. 4:14

Ni ye nongu shikujo niye hipau yepuwu amoe, ikemu I qhuu I tianuli kiqishi nongu hakutho tsüniye ke.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

IBRIMI 11:26

Egypt küakini nguno Khristo ghenguno tichetighe xapu keu no akijeu kepi pa no kiqilue, kughengu pa ye asaxü shou jupuku cheke.

James 1:25

Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

2 John 1:8

Nongu jukutolo, tishianguno nino nongu ghenguno kiu mla püani keno pühave mono nongu no asaxü qhoi ithulu nani.

Piyeküsü 14:13

Tishino kungugha lono asütsa lakhi I no chilu: “Hi yelo, hinguno hilau ye khunono Ampeu laumi shi thiveni keno akümghapue.” Aghungu no piqatsü, “Iyei akümghapue, panongu ye pano ghime lono akulhoqhi luniae, kughengu panongu kümla no pano pape chenie!”