LESHELE 18:3 - Sumi Naga CL (Re-edited) Bible (BSI)

³ I no Ampeu, khuu sheqhe küzü keno Pa ku, eno ni ye I ghümi launo xaluve.

BAIBEL (BSI)

³ Ino ighamuku AMPEU vilo pikelo pano ighumi kumtsu launo ixalu, AMPEU sheqhe kuzupuke.

LESHELE 18:3 Iomraidhean Croise

SAMUEL AKINIU 22:4

I no Ampeu, khuu sheqheküzü keno, Pa kue, I ghümiqo launo I xalu tsüe.

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

LESHELE 144:1

Ampeu, I tuqu, sheqhelo, Pa no aghüshi ghenguno I u ngo I u lotiqo qophetsü cheni.

LESHELE 145:3

Ampeu ye kije, eno akiqheu lono Pa sheqhe kepue; Pa kughushu ye phukümlapue.

LESHELE 3:4

I no Ampeu vilo ighamku, eno Pa no Pa kimthe toghi lono I khochile tsüe.

LESHELE 31:4

I ghenguno alichhe shipe küsü püakeu lono Nono I xaphelue, kughengu No ye Iw sükusho ke.

LESHELE 48:1

Ampeu ye kije eno ningu Lhouw mishighüna lo shishe no sheqhe kepue! Pa kimthe naghuto,

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 55:16

Ikemu I no Alhou vilo inikhu, eno Ampeu no I xaluve nani.

LESHELE 62:3

Nongu ye khitohi ilaqive niye nanashi akeu ghutu sükini akeshi timi lakhi qoqhini kea?

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

LESHELE 71:3

I ghenguno sükusho tuqu shitsü lo, tipau lau I no alhokuthu ighini, Nono I xalu peniye azah tsüvae, kughengu No ye I tuqu eno I sükusho liwo ke.

LESHELE 76:4

Naghuto lo alichhe chhitoi akeu nguno ajuküvüpu eno kükanguagha alau akeu ye Noke.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

LESHELE 91:2

I no Ampeu vilo pini, “Iw sükusho eno I liwo, I Lhou, I no Pa pükhü cheni.”

LESHELE 96:4

Kughengu Ampeu ye kije eno akiqheu lono sheqhe kepue; alhou kütauqo nguno alau Pa gihu kepue.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

Luke 1:71

ni ghümi launo eno ni mithi chekemi kümtsü u lono ningu xaluve niye ke.

Apostolmi 2:21

Khukhumu Ampeu je kulu keu ye xaluve nani.’

Piyeküsü 4:11

“Ni Mpeu eno Alhou, ajekipi, agigihu eno aküka ye Nono ithulu küzüe, kughengu Nono thime kümtsü pulhosü, eno tipaqo ye O pulou lono acheghi eno pulhosü ke.”