LESHELE 17:3 - Sumi Naga CL (Re-edited) Bible (BSI)

³ Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

BAIBEL (BSI)

³ Nono imlo pu-juvae, nono putholo ixuju ighivae, nono ipejuveake, ilolo alhoksa kukumsu kuhakeu nono ithi anie.

LESHELE 17:3 Iomraidhean Croise

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

JOB 24:14

Ghikiqhimi no kumlhomi ngo mighimi pithiveni ye tsüküzü khe cheni, eno putho shive aye pa ye küpkami toike.

LESHELE 11:5

Ampeu no amikuchomi peju cheni, ikemu Pa ye kixikila eno ngukangugha shikemi mithi ke.

LESHELE 119:106

O mikucho pimheye pape nike I no ashoqhi lakhi shino tipau shikupu luvae.

LESHELE 139:1

O Ampeu, Nono I phujuvae eno ni ithivae!

LESHELE 139:23

I phujulo, O Ampeu, eno I mlo ithi tsülo! I pejulo eno I kükümsü ithi tsülo!

LESHELE 16:7

Ampeu khuu I mijetsü cheni keno I no sheqheni; putho lo ghi I mlo no I qophe acheni.

LESHELE 26:2

I phuju lo, O Ampeu, eno I pejulo; I mlo eno I kükümsü pejulo.

LESHELE 39:1

I no pi, “Ni ye I laghi jukutoni, tishiaye I mili pesü axine shimo nani; kixikilami no I zülo ake tivilo ni ye I kichi kujukha luveni.”

LESHELE 66:10

Kughengu, O Alhou, Nono ningu chhejuvae; ghükayi toi ningu shighuvae.

LESHELE 7:4

tsala I no küsakügha pesü I küsau lochile püaghi, momu kütsazü lono I ghümi xüle puwuve aghi aye,

AHOLE 13:3

Khunono akichi kütsü kiyi keno aküxü msape qhi ani, akichi mkupe zale chekemi ye kütsave nani.

JEREMIYA 12:3

Ikemu O Ampeu, Nono ni ithi ani; ni ithulu eno I mlo peju cheni. Ambe ghiqhi niye aketoi panoqo sünhephe luvelo, eno ghikiqhi tsala ghenguno ikhithape qhivelo.

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

HOSIYA 7:6

Kughengu amiphoki külü mlo toi panoqo no küsüqe ighi; puthotsü pano mlokighide no kuchughei ngoa no inaqhe no ami mili toi iqüe.

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 16:9

Kijili lakhi kungunhetsü Paul lau ipeghi; Macedoniami lakhi puthugho aghi no pa qhüiniju, “Macedonia lo ighi no ni kuphu tsülo.”

1 Kor. 4:4

Kughengu ni ye I kipimi kiumu kümsülu amoe, tishike ghenguno ni ye akipimi kühake pimlae. Ampeu no I shou küghathabe cheni ke.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

James 3:2

Kughengu ningu kümtsü ala kutomo lo pimive cheni. Khuana no pa tsapi lo khilemu shipimi cheghi moaye, pa ye kupukulumi, pa phimpi kuchopu ghasükulumi ke.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

SAMUEL ATUGHIU 24:10

Ishi Ampeu no kishi atuki lo o pesü I u lo sütsü keno o nhethi no ithuluvae. Khami no I vilo o heqhive lopie, ikemu I no o püxüve eno ishi pi, ‘I mpeu shou ni ye I u süqhemoe, kughengu pa ye Ampeuw nukikishe ke.’

SAMUEL ATUGHIU 24:12

Ampeu no nikujo dolo xathatsü peniu, Ampeu no o lau I mkhü lutsü peniu, ikemu I u ye o shou süqhemo nani.

SAMUEL ATUGHIU 26:11

Mthamini ni ye khilemu Ampeuw nukikishe shou I u bemo nani. Ikemu pa kütsü phivilo angupa ngo azübohu akeu luve lo, eno nikujo ye wuveni.”

SAMUEL ATUGHIU 26:23

Milakhi mikucho eno pükhükulu ghenguno Ampeu no asaxü tsü cheni, kughengu Ampeu no ishi o pesü I u lo sütsüe, ikemu I no Ampeuw nukikishe shou I u süqhe move.