LESHELE 146:6 - Sumi Naga CL (Re-edited) Bible (BSI)

⁶ Pa no kungugha eno ayeghi, azüghi eno tile akeqo lhoke, Pa ye alholo pükhükulupu ke;

BAIBEL (BSI)

⁶ Khunono kungugha ngo ayeghi, azughi eno tipaqolo akeu kumtsu Lhokutsuu AMPEU pa Lhou mungubeni keno tipano lokivipue. Paye pulhapuju pano piqhivekeu shikupu cheni;

LESHELE 146:6 Iomraidhean Croise

BOTHUBO 1:1

Abothu lono Alhou no atsütsü ngo ayeghi lhoe.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

LESHELE 115:15

Ampeu, atsütsü eno ayeghi pulhoküsüu pelo nongu kümghatsü peniu!

LESHELE 117:2

Kughengu ningu lau Paw iqemokeu kikimiye ye kije, eno Ampeu pükhükulu ye alhokupuju acheni. Ampeu sheqhelo!

LESHELE 33:6

Ampeu tsa no kungugha lhoe, eno Pa kichi lo tuthukishe no yepu yesüqo lhoe.

LESHELE 89:2

Kughengu I no pi, “Iqemokeu kikimiye ye alhokupuju shiqhe nani; kungugha lo Nono O pükhükulu pephe nani.”

LESHELE 89:33

ikemu pa launo Ni ye Iw iqemokeu kikimiye ikhivemo nani momu Iw pükhükulu ye kichile shivemo nani.

LESHELE 95:5

Azüghi ye Paw ke, kughengu Pa no ti mlae, eno Pa u no qhaike yeghi kughulho ke.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

John 1:3

Pa vecheo thokha lho eno Pa sümo keloye kiumu lho püamoe.

John 10:34

Jisü no khochile, “No Yezah lo, ‘I no pi, nongu ye alhouqo ke’ ipi yepüani ke kumo?

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

Kolosiami 1:16

Kughengu pa vecheo kungugha lo eno ayeghi shou, ithukulu eno ithukümla, kükalakhü, kükaqha, yepemi, kükagha kipemi—thokha kümtsü pa vecheo eno pa ghenguno lhoke.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

Piyeküsü 14:7

Pa no asütsa kuloghi lono pi. “Alhou msalo eno ajuküvü pe Pa tsülo, kughengu Paw küghakütha tüqhüdo ye ighivae, eno Khuu kungugha eno ayeghi, azüghi eno azüpukiqo lhosü keno, Pa mllalo.”