LESHELE 141:5 - Sumi Naga CL (Re-edited) Bible (BSI)

⁵ Amikuchomi pelo I ghaqhi pelo—ti ye kimiyekini ke; pa pelo I sakiyi pelo—ti ye I kütsü lo thazü ke; I kütsü pelo ti milivepe kevilo. Ikemu I kighini ye alhokuthu pano kixikila kümla ghochile acheni.

BAIBEL (BSI)

⁵ Timi kivimiye ikimiye kelauno ishikighime eno isakiyi pelo, ikemu niye alhoksami launo khilemu agigihu ikhilumo nani, kughengu niye pulhapuju panoqo lhoksa kumla ghochile inikhu acheni.

LESHELE 141:5 Iomraidhean Croise

YEKIKITHI AKINIU 25:16

Ikemu pa no pi aphi lono Amaziah no ghechile, “Ningu ye o pelo akükau mijekütsüu shivepe akea? Tavelo! Kushiye o pithive apeni kea?” Ikehu tungkupu no tave, ikemu ishi pi, “I no ithi anike Alhou ye o kütsave niye shivae, kughengu nono hi shive no Iw mijekütsü ini movae.”

LESHELE 125:4

O Ampeu, khunono akivimi eno khuno mlo no müzüchoi keno pano lau akivi mla tsülo!

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

LESHELE 51:18

O lokiqipu shi Zion lo akivi mla tsülo; Jerusalem liwo shiqhe tsülo;

AHOLE 12:1

Shikithekütsü kimiye kemi no akighithi kimiye cheni, ikemu sakiyi keu mithi chekemi ye anikha ke.

AHOLE 15:22

Mijekütsü küha kelo akukughu kümtsü tomove cheni, ikemu mijekütsümi kutomo akeu lono tolu cheni.

AHOLE 15:5

Mbomzümi no papu kükütsütsa jukünatha cheni, ikemu kümsükulumi no sakiyi keu ikhilu cheni.

AHOLE 19:25

Thoküghami kitihelo, itikütüpa kemi no alotsü luve nani, vethakulumi sakiyilo, pa ye alau akighithi ithuluve nani.

AHOLE 25:12

Pujushijuve kemi kükütsütsa no ini nishi akemi kini lo ilolu keu ye ameshoyi nguthi momu achila toike.

AHOLE 6:23

Kughengu azakütsü ye akulu lakhi, shiküka ye aküvü, eno shikümzü niye sakiyi keu no aküxü laghi ke.

YETSAPIU 7:5

Mbomzümi lephe ini akepu ye alokütsümi no sakiyi keu ini akeu pavie.

ACHINE 19:17

“O mlo lo o thiküzümi mithi moni, ikemu pa sasü kiqikuto lulo, tikumo aye pa ghenguno nou no axine shilu nosae.

MATTHEW 5:44

Ikemu I no nongu vilo piani, No ghümi kimiyelo eno khunono nongu ghimeqhi cheni keno, panongu ghenguno inikhu tsülo,

Galatiami 6:1

Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.