LESHELE 14:1 - Sumi Naga CL (Re-edited) Bible (BSI)

¹ Mbomzümi no pa mlo lono ishi picheni, “Alhou ye kühae.” Panongu ye shiküpsa, kuchhube kümla shicheni, milakhimu akivi shikemi kühae.

BAIBEL (BSI)

¹ Kughuzumino pa mlolo ishi picheni, “Alhou kuhae.” Panongu kumtsu shikupusake eno kuchhube kepu kumla shi ani; milakhimu achipiu shikemi khumu kuhae.

LESHELE 14:1 Iomraidhean Croise

BOTHUBO 6:5

Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie.

JOB 15:16

imaye, khuu no aphikümqhüpu eno shiküpsapu keno, azü toi amikuchokumo yeche keu ye kishita akimkheu kelae!

JOB 22:13

Ikeghi nono picheni, ‘Alhou no kiu ithi ani kea? Pa ye aküzü kutho vexü ipe küghathabe luni keshea?

LESHELE 10:4

Kixikilami ye pa qheküza lono Ampeu phu chemoe; pa kükümsü kümtsü lo, “Alhou ye kühae,” pike likhie.

LESHELE 107:17

Khami ye pano xine laghiqo vecheo mbomzü shive, eno pano kipimi vecheo aghime shi süve;

LESHELE 53:1

Mbomzüu no pa mlo lono picheni, “Alhou kühae.” Panongu ye shiküpsapue, aphikümqhüpu xine shi acheni; akivi shiche kemi khumu kühae.

LESHELE 73:3

Kughengu kughou I no kixikilami küakini ithulu keno ni ye aqheküzami jumineve.

LESHELE 92:6

Küghüzümi ye ithilu chemoe; mbomzümi ye hipau vethaluni chemoe:

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

AHOLE 13:19

Akupulo shikupulu keu ye angulho lokiqipu ikemu mbomzümi ye alhoksa lono tsüghüve keu aphimqhü cheni.

AHOLE 27:22

Mbomzümi ye apikhi lo süno akhumu no athi gholono shesü anamu pa nikha pa qhivemo nani.

YETSAPIU 7:20

Mtsüqheino ayeghi lo timi khumu amikucho shi akivi mlano axine shimo kemi kühae.

ISAIAH 1:4

Aha, axine shikicheu shiye, akipimi pekimshi xapu chekemi, alhoksa shiche kemi tianuliqo, amikuchokumo shiche kemi! Panongu ye Ampeu phevae, Israelmiw Akimtheu jukünatha eno ithithai no tsüghüsü athiu idewovae.

JEREMIYA 5:12

Panongu no Ampeu zülo akimki tsa ishi pi, ‘Pa ye kiumu shimo nani; kütsakungo keu ni shou ikughimo nani, azütakikihi momu püqümiye ithulumo nani.

JEREMIYA 6:28

Panongu kümtsü kuthovi ghi hebide chekemi, kühakügha shi itsü cheni, panongu ye alazayi eno ayi; kümtsü küsakügha shikemi.

MATTHEW 12:34

Nongu apighitiqo! Nongu ye küsaküghami ke kishino akivi tsa piluni kea? Kughengu amlo alou kupukuno shi akeu akichi no piphe cheni.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

Luke 12:20

Ikemu Alhou no pa vilo pi, ‘Mbomzüu! Itijiu no o küxü avehupu shivae, eno nono kutope püa keqo ye khuuw shive nani kea?’

Ephesiami 2:12

tipa ghuloki lo nongu ye Khristo launo kütüta shi ache, Israelmi gholo kuloji mlano inami shi ache, eno Alhouw Puloshoqhi piqhi püakeu lono tüsümi shi ayeghi lo lajupu küha eno Alhou kühano achekeu kümsülu lo.

Titus 1:16

Panongu no Alhou ithi anie picheni, ikemu pano kümla lono Pa milive cheni. Panongu ye aphikümqhüpu, hekibidemi, akümla kivi shikulupu qhemi kühae.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

SAMUEL ATUGHIU 25:25

I mpeu no ameküküha timi, Nabal hipau akhoto shitsü kevilo, kughengu pa ye pa je paphishi Nabal ke, ikehu mbomzü no pa lolo ani. Ikemu ni o qeu ye I mpeu no ow apumiqo puwu keqo ithumlae.