LESHELE 135:7 - Sumi Naga CL (Re-edited) Bible (BSI)

⁷ Pa no khüngküsü pelo ayeghi shekhau no ikughipe cheni, Pa no tsütsüpha mlake, eno amülhübo lhaphe cheni.

BAIBEL (BSI)

⁷ Pano ayeghi shekha kudauno pasapagha khungkusu saghi cheni; tsutsughu ghenguno tsutsupha mla cheni, eno pano amlhubo lhaphe cheni.

LESHELE 135:7 Iomraidhean Croise

KUKAMI ATUGHIU 18:1

Atsala kutomo thiu ampe aküthüu lono Ampeu no Elijah vilo pi, “Ahab zülo wulo eno I no tsütsüghu puwu tsüni.”

JOB 5:10

Pa no ayeghi lo tsüghuqhitsü eno aluza lo azü puwutsü cheni;

LESHELE 107:25

Kughengu Pa no pasapagha mülhü azah tsüno ithughipe cheni, tipau no azü fukucho ikughipe cheni.

LESHELE 148:8

ami eno apüghü, mürasü eno khüngküsü, pasapagha mülhü hipaqo ye Pa tsa shikupu akeu ke!

LESHELE 78:26

Pa no kipelau mülhü pelo mülhüpe, Pa küka no apeu mülhü ghi hakilhe puthuke;

JEREMIYA 10:13

Pa tsa lono atsütsü lo azü no mqhumza ighae, Pa no ayeghi shekha lono khüngküsü ipeghipe. Pa no tsütsüghu ghenguno tsütsüpha kulo, eno Paw pekükütsü ki lono amülhü saipeghi cheni.

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

JEREMIYA 51:16

Pa no atsa pi aye, atsütsü lo azü no mqhu ipeghi cheni, Pa no ayeghi shekha no atsüzü ipeghipe cheni. Pa no tsütsüghu ghenguno tsütsüpha mla cheni; Pa no hekütsü püakeu ki lono amülhü süghi cheni.

JONAH 1:4

Ikemu Ampeu no azüghi lo amülhü kije puwu eno pasapagha no ihulo azüghi lo ighive, ikehu zükilu ye ipo niye shive.

ZEKHARIA 10:1

Tsülü tusho lo Ampeu vilo tsütsüghu khulo, Pasapagha puwu chekeu ye Ampeu no ke, Pa no timiqo tsütsüghu tsü nani, aluza lo atsüni pesü kümtsü tsü.

John 3:8

Amülhü no khila mülhü wunishi keno tila wucheni eno nono tipau sütsa chilu cheni, ikemu ti ye khilano ighi momu khila wucheni keno no ye mthae. Aghungu lono punuve kemi ye titoike.”