LESHELE 103:12 - Sumi Naga CL (Re-edited) Bible (BSI)

¹² Kipelau no kulolau sasü putosüpe aketoi, Pa no ni launo ni xine titohi lo ikhipe wuve tsü cheni.

BAIBEL (BSI)

¹² Kipelauno kulolau sasu putosupe ake toi pano ni xine nilauno titohi ikhipe wuvetsue.

LESHELE 103:12 Iomraidhean Croise

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

LESHELE 113:3

Khetsünhe ipeghi kelono ilo moke kutolo Ampeu je ye sheqhe kepue!

LESHELE 50:1

Akughushuu, Ampeu Alhou no khetsünhe kipelau no kulolau kutolo ayeghiqha kusü no pütsae.

ISAIAH 38:17

Kuchou no I no kukhukimji kije sholu keu ye I kivipu akehu kena; Nono I kimiye kelauno akumo ki lono I küxü xaphe tsüno I xine kümtsü pesü O thiu vepuwove tsüe.

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 45:6

tishianguno kipelau no kulolau kutolo I nguno kütami ye khumu küha kepi timiqo pelo ithi peniye ke; Ni ye Ampeu, eno kütami ye khumu kühae.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

EZEKEL 18:22

Pa no mla ithave keqo xine kiumu pa lachile kepu shi kümsüchile tsümo nani; pa no achipiu mikucho shive keu ghenguno pa ye xülu nani.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

MICAH 7:19

Pa ye itaghi ningu lau küpüqhiyi keu anani; Pa no ni xine nedave tsü nani. Nono ni xine kümtsü azüghi kutho lo vesüve tsü nani.

IBRIMI 10:2

Akümllami xine ghuthu khavino shikimtheve tsüke aye, panongu ye axine shipüa keu kümsüpu move no aghakishi kümtsü qhiveni cheke kumo?

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.