LESHELE 102:1 - Sumi Naga CL (Re-edited) Bible (BSI)

¹ I kighini ini tsülo, O Ampeu, I küqa O lau ighilu pelo!

BAIBEL (BSI)

¹ Ikighini initsulo, O AMPEU, eno ighugha olau ighilu pelo!

LESHELE 102:1 Iomraidhean Croise

YEKIKITHI AKINIU 30:27

Tishino achinemi ngo Levimi no ithu no timiqo kümghatsü kelo Alhou no panongu sütsa chilu tsü, eno panongu kighini ye kungugha lo Alhou kungoa tove.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

LESHELE 143:4

Tigheno I ghungu ye lhovae; I lolo I mlo ye mamaivae.

LESHELE 143:7

Mtazü I khochile tsülo, O Ampeu! I ghungu ye lhovae! I launo O gi küsüve kevilo, tikumo aye ni ye aqo lo iqive kemi toive niae.

LESHELE 145:19

Pa sümsa chekemi no kümsü pulo keu shikupu tsücheni; Pa no pano sütsa chilu no xalu cheni.

LESHELE 18:6

I mlo kighishi lono I no Ampeu kue; I Lhou lau I no akukuphu ghenguno ighamkue. Pa chineki lono Pa no I sütsa chilu tsü, Pa no I küqa chiluve tsüae.

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 5:2

I kükau eno I Lhou, I küqa ghügha chilu tsülo, kughengu O lau I no inikhu ani.

LESHELE 61:2

Kughou I mlo hauve keno, I no ayeghi shekhau no O kue. I nguno qhemghai keu tuqu lau I sasü wulo

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

LESHELE 77:3

Kughou I no Alhou kümsülu keno I no mloqae; I no kümsüputho kelo, I ghungu no aghüthi süve;

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

AKUMLO 3:44

khüngküsü no No ampi küzüpho luve, tishianguno kiu kighini mu shoxü mlave.

AKUMLO 3:8

I no kuphu peniye ku kemu Pa no I kighini chilu tsümoe;

Luke 22:44

Pa no amloiju akehu alau amlo tsüqhiyi inikhu; eno pa tsünhizü no aji toi ayeghi lo ijiqighi.

IBRIMI 5:7

Jisü no ayeghi lo ache kelo aghügha kuloghi eno anhezü kipiji pesü Alhou khuu no akithi lono pa xalu nani keno, Pa vilo khuche, eno pa lolo sükümsa akeu ghenguno ikhilu tsüche.

XAKUTHAMI 10:16

Tishino panongu no inami lhouqo ikhipe peve no Ampeu mlla; ikelo Ampeu no Israelmi ghime jupe kutuu mlave.

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”