LESHELE 1:1 - Sumi Naga CL (Re-edited) Bible (BSI)

¹ Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

BAIBEL (BSI)

¹ Timi khunono kusakughami kukutsu papemoni, axine mi laghilo chechemoni eno Alhou thaighakemi gholo ngomoni keno tipano lokivipue.

LESHELE 1:1 Iomraidhean Croise

BOTHUBO 49:6

I ngulho ye pama hoho lo kuloji moe; O I juküvü, pano loji lo küqha kevilo. Kughengu panongu no amlo kighide lono timiqo pithike, eno ithipüqai amshitsü püka love tsüe.

BOTHUBO 5:24

Pa ye Alhou gholo checheke, eno pa ye phumlave, kughengu Alhou no pa sawuve.

KUKAMI ATUGHIU 16:31

Nebat nu Jeroboam toi xükeu ye züla ketoi pa no Sidon kükau Ethbaal nonga Jezebel luve no Baal mlla eno huthuuve.

YEKIKITHI AKINIU 22:3

Pa ghi Ahab kibolomi no cheche keu laghi lo chewu, kughengu paza no kixikila kümla shinike pa shikumtoe.

JOB 10:3

O u lo kümla ye jukünatha, kixikilami kukughu lou azüvü, eno I qoda keu no O pulou kea?

JOB 21:16

Panongu ye pano ka-agha lono kinikülü shiluke kumo? Ikemu niu ye pano küxü ghola lono putosü pe anie.

JOB 31:5

“Tsala I no akimki sasü apukhune lakhishi cheghi, I pukhu no kakashi pishikiqhi lo ilo cheghi aye;

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

LESHELE 106:3

Khuu no kuchou xakütha ikhilu, eno atüqhüdo kümtsü lo achipiu mikucho shicheni keno pano lokivipue!

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

LESHELE 119:115

I launo chevelo, nongu alhoksa kümlami, tishiaye ni ye I Lhou zakütsü papelu nani.

LESHELE 144:15

Khuno shou kükümgha hipaqo ikughini keno alokivipue! Khuno Lhou no Ampeu keno pano lokivipue!

LESHELE 146:5

Khunono Jacob Lhou launo akukuphu lucheni keno, khunow lajupu no Ampeu Alhou lau ani keno alokivipue,

LESHELE 146:9

Ampeu no kupokichemi jukuto cheni; Pa no chimemi eno mighimi sünheqhe cheni, ikemu kixikilami laghi ye Pa no kütsakungo keu lo saghive tsücheni.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 26:12

I pukhu ye mtotoi puthugho ani; ahoho kije lono I no Ampeu sheqhe nani.

LESHELE 34:8

O, Ampeu ye aloke no ampi no michejulo! Pa launo sükusho luche kemi ye alokivipue!

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

LESHELE 64:2

Kixikilamiw tuqhou kukughu eno, kixikila shiche kemi aqokitikhi launo I peküsü tsülo,

LESHELE 81:12

Ikehu pano no shinishi keu kükümsü pape wuve peniye I no pano pesü amlo kuthovi keu shive peke.

LESHELE 84:12

O aqokitikhi Mpeu, khunono O pükhü cheni keno alokivipue!

AHOLE 1:15

I nu, panongu no chechekeu laghi lo wu kevilo; pano laghi lono O pukhu sünhe chile luvelo,

AHOLE 1:22

“Itikütüpa chekeqo! Nongu ye khitohi itikütüpa anania? Alokütsü junu chekemi ye khitohi küthakügha tsapi lo alovi eno mbomzümi ye khitohi alokütsü jumithi anani kea?

AHOLE 13:15

Akükümsü kivi no akishekütsü qelu cheni ikemu pükhükümlami ye kütsakungo keu lalo sawuve cheni.

AHOLE 13:20

Alokütsümi gholo kuloji kemi ye alotsüve cheni, ikemu mbomzümi gholo kichemi ye aghime sholu nani.

AHOLE 19:29

Thoküghami ghenguno aghime eno mbomzümi ghenguno akihepusü kuto püani.

AHOLE 2:12

alhoksa laghi lono, momu atsa tuchighi chekemi launo o xaphelu nani,

AHOLE 3:34

Thoküghami lau Ampeu no thoküghapu piye cheni, ikemu aqhokighemi ye Pa no saphu cheni.

AHOLE 4:19

Kixikilami laghi ye aküzü kutho toi, pano ye kiu küpxalu ani keno ithi chemoe.

AHOLE 9:12

Nono alotsü aye o likhi o ghenguno ameküapu, nono küthakügha shi aye o likhi o makhoae.

JEREMIYA 15:17

Ni ye züphu-zügha shikemi gholono ado puwo alovi püamoe; O u no I gholo akehu ni ye I likhi ae, kughengu ni ye axukighide no chhitoi ake.

JEREMIYA 17:7

“Ampeu shou pükhübe kemi, Ampeu pesü pa küpkhü shikemi kümghapue.

EZEKEL 20:18

“Asayeqha lono I no panoqo tianuli vilo pi, Nongu puasüqo yezah lo cheche kevilo, panow pimheye pape kevilo, momu pano sü-atu julho vecheo nongu shikitiqe kevilo.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

Luke 23:51

Ikemu pa ye aqomi xakütha lo pulomo no Alhou yekipe laju cheke.

John 13:17

Nongu no hipaqo ithi no papelu aye nongu kümghapue.

John 20:29

Jisü no pa vilo pi, “No ye ni ithuluve ake ghenguno pülü ani keshea? Khunono ni ithumla namu pülüni keno akümghapue.”

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

Ephesiami 6:13

Tighenguno Alhou ghünanu kümtsü pepulo, tishianguno alhoksa tsala lo nongu ye ithamo no puqhekulu shi mjochilelu nani.

ZAKINIU 14:6

Lhoxü khikhi apukhumtsü shoba eno akhakile cheni keno ti ye chulu nani.

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

1 Peter 4:3

Kughengu Alhou kümthami no kiu toi xüche keno, ghaghughale, alhoksa shinike pitipüza keu, shokümzü, ghasükümla, eno ajulho kümlla, hi kümtsü lo nongu ghi aphiphi shi kuloji ighikeu no kughomae.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.