KUKAMI ATUGHIU 9:9 - Sumi Naga CL (Re-edited) Bible (BSI)

⁹ Tileno timiqo no pi nani, ‘Kughengu panongu no Ampeu pano Lhou khuu no Egypt lono pano puasüqo saipeghi keno, Pa kümsümave eno alhou kütau qhoqhü no mllauve ke. Hi ghenguno Ampeu no pano shou shiküpsa hipau puku tsüe.’”

BAIBEL (BSI)

⁹ Timiqono khochile nani, ‘Kughengu panonguno AMPEU panongu Lhou khuuno panongu puasuqo Ijip lono sasu ipeghi keu kumsumaveke. Panonguno alhou kutau qhoqhuuveno tipaqo mllauveke. Hi ghenguno AMPEU no panongu shou shikupsa hipau pukutsue.’ ”

KUKAMI ATUGHIU 9:9 Iomraidhean Croise

KUKAMI ATUGHIU 18:18

Pa no khochile, “Ni ye Israel küpüna püamoe, ikemu nou no eno o lagha no küpüna cheni, kughengu nono Ampeu zakütsüqo pheve no Baal mllauve ke.

KUKAMI AKINIU 22:17

Kughengu panongu no I milive eno pano kümla vecheo I mlo shikighide tsüniye kütau lhouqo lau akümllagho tsüke, tighenguno I loghu ye a-a hipau shou ikughi nani eno ti ye iqüvemo nani.

YEKIKITHI AKINIU 29:8

Tighenguno Ampeu loghu Judah ngo Jerusalem shou ikughi, eno Pa no tipaqo lau akümsapu, akichiqhipu, jukünatha kepu shivetsü, ti ye nongu nhethi ghi ithulu anie.

YEKIKITHI AKINIU 7:22

Tile timiqo no khochile nani, ‘Kughengu panongu no Ampeu pano Lhou khuu no pano puasüqo Egypt lono saipeghi keno, Pa kümsümave eno Alhou kütau qhoqhüuve no tipaqo mllauve. Hi ghenguno Ampeu no panongu shou shiküpsa hipau puku tsüe.’”

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

JEREMIYA 22:8

“‘Shiye kutomo no mishighüna hipau vechewu kelo milakhi no pa kisüghüu vilo pi nani, “Ampeu ye kushiye mishighüna hipau shou hitoi mlave kea?”

JEREMIYA 44:23

Ishi kutolo nongu shou kütsakungo hipau ighi akeu ye, nongu no kütau lhouqo lau akümllagho tsüno Ampeu shou axine shive eno Pa yezahqo papemo keu ghenguno ke.”

JEREMIYA 5:19

Kughou now timiqo no, ‘Kushiye Ampeu ni Lhou ye akümla hipaqo ni shou mla kea?’ ipini keno, no ye panongu vilo pilo, ‘Kughengu nongu no I kümsümave eno no yeghi lo inami lhou mllauve, ikehu nongu ye no yeghi kumo keu lo inaghami qeuve nani.’”

JEREMIYA 50:7

Panoqo ju ithulu kemi kümtsü no panongu kütsakungo eno pano ghümiqo no ishi pi, ‘Panongu ye Ampeu zülo axine shivae, ikehu ningu no panoqo shou kiukiu shinamu akipimi kumoe. Ampeu ye pano puasüqow lajupu eno panongu ghi Pa lau amikucho shi kepushi ake.’

AKUMLO 2:15

Khunono o kathasü wu keno kümtsü no au kukhupe o tsüe; panongu no Jerusalem limi cheqhi eno akütsü küzü ghi pi: “Kupukülai keu jukivi, ayeghiqha kümtsü lokivipu, ipi chekeu mishighüna huye hi keshea?”

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—