KUKAMI ATUGHIU 9:4 - Sumi Naga CL (Re-edited) Bible (BSI)

⁴ Itehi ye nono o pu David toi akikhi eno amikucho lono I zülo cheche aye, eno I no azah tsükeu kümtsü pelu aye,

BAIBEL (BSI)

⁴ Tsala nono opu David no shike toi amikucho lono ihuthu eno kutupo kuqha aye eno nono iyezahqo gholu eno thwokha ino ahza tsukeu kumtsu pelu aye,

KUKAMI ATUGHIU 9:4 Iomraidhean Croise

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 20:5

Pa ye I vilo, ‘Li ye I chepu’ ipike kumo? Eno li ghi, ‘Pa ye I mu’ ipi li ampi no pie. I mlo lo akikhi eno I u lo akipimi kühakeu lono ni ye hipau shivae.”

SAMUEL AKINIU 22:22

Kughengu I no Ampeu pape eno kixikila shi I Lhou launo putosüve moe.

KUKAMI ATUGHIU 11:38

Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

KUKAMI ATUGHIU 11:4

Pa no muchomi shiuve kelo pa nipuqo no pa sasü kütau lhouqo lau wuve, eno pa pu David no amlo kuchopu Ampeu pa Lhou tsüche ketoi, pa ye tishi move.

KUKAMI ATUGHIU 11:6

Pa pu David toi mono Solomon ye Ampeu zülo xine shiuve eno amlo kuchopu no Ampeu pape move.

KUKAMI ATUGHIU 14:8

eno David lagha lono kükaqha kothape o tsü. Ikeghi no ye I qeu David toi shimoe, pa ye I zakütsüqo pelu eno pa mlo kuchopu no I pape no I zülo kiu no achipi keno tilikhi shie.

KUKAMI ATUGHIU 15:5

kughengu David ye pa küxü tivilo Ampeu zülo achipiu likhi shi, eno Hittimi Uriah vehu lo kumo aye Pa no azah tsükeu hebidemoe.

KUKAMI ATUGHIU 3:14

O pu David toi nono I gholu, I yezah eno azakütsü pelu no I laghi lo cheche aye, I no o xüpushu tsüni.”

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI ATUGHIU 6:12

“Nono aki hipau mla akeu vehu lo, nono I yezah lo cheche, I khuaye lo gholu, eno I zakütsü kümtsü pelu aye, I no o pu David lau piqhi püakeu, o vecheo shikupu tsüni.

KUKAMI ATUGHIU 8:25

Tighenguno itehi, O Ampeu Israel Lhou, Nono O qeu I pu vilo, ‘Nono I zülo cheche ketoi o nuli no titoi cheche aye, no ye Israel kükalakhü lo iqani keu timi püqümo nani,’ ipi püakeu kümsülu tsülo.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

YEKIKITHI AKINIU 17:4

ikemu pa puasüqo Lhou phuke, eno Israelmi khuaye kumono Alhou zakütsüqo pape.

LESHELE 101:2

I no tukutiye kühakeu laghi kümsü juni. O No ye kughono I lau ighini kea? Ni ye I kilo akikhi mlo xapusü cheche nani;

LESHELE 128:1

Khuu no Ampeu sümsa eno Pa laghi lo checheni keno pa ye alokivipue!

LESHELE 15:2

Timi khuu no tichetighe küha, achipiu shicheni eno pa mlo lono kuchou tsa pi cheni keno;

LESHELE 26:1

I chipiu saphu tsülo, O Ampeu, kughengu ni ye akikhi lono checheni, eno ni ye lhelhei mono Ampeu lau pükhübe ighivae.

LESHELE 26:11

Ikemu I ghengu ye, ni ye I kikhi lono cheche nani; I qhüchile tsülo, eno I lau küpüqhiyi tsülo.

LESHELE 78:72

Amlo müzüchoi shino pa no panoqo khekuto eno shitsashi panoqo sapheke.

AHOLE 10:9

Akikhishi xükemi ye sükusho acheni, ikemu khuu no pa küxü la tuchighive akeno phuphe luve nani.

AHOLE 20:7

Amikuchomi khuu no akikhishi xücheni keno pa tianuli pa thiu chekemi ye akümghapue!

AHOLE 28:18

Akikhimi ye xaphe luve nani, ikemu chighichilai kemi ye züleno ikiqive nani.

EZEKEL 18:9

I zakütsü pape, eno pükhükulu shi mlaitha keu vecheo Iw pimheye pape aye, pa ye amikuchomi; pa ye mtsüqheino xülu nani ipi Ampeu Alhou no asheshue.

ZEKHARIA 3:7

“Aqokitikhi Mpeu no hitoi piani: Tsala nono I laghi lo cheche eno I zakütsü pape aye, nono I kilo ayepe nani eno Iw küghaki peitha nani, eno khunoqo hile puthugho ani keno tipaqo gholo ighikulupu chipiu tsü nani.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

ZAKINIU 28:1

“Nongu no Ampeu nongu Lhou gholu eno ishi tsala lo I no azah nongu tsü akeu kümtsü tsaqüi pelu aye, Pa no ayeghi lo shiye akeqo kümtsü nguno akiqheu lo nongu süqhe nani.