KUKAMI ATUGHIU 9:3 - Sumi Naga CL (Re-edited) Bible (BSI)

³ Ampeu no pa vilo pi, “I no o kighini eno nono khukeu chiluvae. Nono aki khikhi shiqhe keno tipau shikimtheve tsüae eno alholo ghenguno I je tile qhivae. I nhethi ngo I mlo ye ado kümtsü lo tile aniae.

BAIBEL (BSI)

³ AMPEU no pa vilo pi, “Ino okighini chiluvae. Nono alhokuthu imllapeniye akumllaki shitsukeu-a ino shikimthe tsu ani. Ino ado kumtsu lo ti khe eno sushotsu anani.

KUKAMI ATUGHIU 9:3 Iomraidhean Croise

KUKAMI ATUGHIU 8:29

O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

KUKAMI AKINIU 21:7

Pa no Asherah julho mlape Ampeu chineki lo qhi, tipa chineki vehulo Ampeu no David ngo pa nu Solomon vilo pi: “Israel shiaye kümtsü gholono I no kishelu keu ki hipau lo eno Jerusalem lo, I no alholo ghenguno I je qhinani.

YEKIKITHI AKINIU 33:7

Pa no ajulho mlape Ampeu kilo qhi, tipa ki vehulo Pa no David ngo pa nu Solomon vilo pi, “Israel shiaye kümtsü dolono I no kishelu keu, aki hipau lo eno Jerusalem lo, I no I je pesü alhokupuju ghenguno qhi nani,

YEKIKITHI AKINIU 6:40

O I Lhou, itehi O nhethi tsükho no O kini kughope aki hipau lono inikhu keu ini tsülo.

EZRA 6:12

Khuu no pa u pesü hipau bukiqeni momu Jerusalem lo akeu Alhou ki hipau kütsani keno, Alhou khuu no Pa je tile apeniye qhipüani keno Pa pelo kükami momu timi tipaqo haleve peniu. Ni Darius no xaküthaza mlavae; amlo tsüqhiyi hipau shikupu lo.”

LESHELE 10:17

O Ampeu, Nono aghimemi kighini chilu tsü cheni; Nono pano mlo shikumto tsü, O kini kugho puwotsü nani,

LESHELE 116:1

Ni ye Ampeu kimiye cheni, kughengu kimiyeqhiyi tsü penike I no qhüiniju keu sütsa Pa no chilu tsü cheni.

LESHELE 34:17

Kughou amikuchomi no kuphu penike ighamku keno, Ampeu no chilu no aküküpna kümtsü lono xaphelu cheni.

LESHELE 65:3

Kughou akipimi no ni mhoqhiveni keno Nono niw hekibide qhukimthe tsü cheni.

LESHELE 66:19

Ikemu kuchou no Alhou no chiluve tsüae; Pa no I kighini sütsa ini tsüe.

IPEKULU 20:11

Kughengu atsala tsügho lono Ampeu no atsütsü eno ayeghi, azüghi eno tile akeqo kümtsü lhoe, eno atsala akütsüniu loye akulhoqhi ke. Tighenguno Ampeu no Sabbath tsala kümghatsü eno tipau pesü akimthe shi qhike.

IPEKULU 29:44

I no kuposhukulu phiki ngo akümlla-khache kishekimthe nani. Achinemi shi I qe penike I no Aaron ngo pa nuli kishekimthe nani.

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

JEREMIYA 7:10

püzü I je lono kukeu ki hipau lo ighi no I zülo puthugho, eno kuchhube kümla hipaqo shi aniye, ‘Ningu ye xaphe luvae’ ipi cheni keshea?

DANIEL 9:23

Nono kimiye tsü penike qhüiniju akeu ghenguno abothu lono atsa lakhi puwuve ke, eno tipau o vilo piniye ni ye ighivae, kughengu no ye ighono kimiye achenie. Tighenguno atsa kümsükutoju no kungunhetsü vethalulo.

AKIKIHI 16:38

Eno hi khunoqo pano xine vecheo thive ake keno, panow amikhuqo ye hephape akümlla-khache küküzüpu mlave lo kughengu panongu no tipaqo pesü Ampeu zülo qhivetsü kehu tipaqo ye akimthe shivae. Tino Israelmi ghenguno amchipu shiniae.”

MATTHEW 6:9

Tishiaye hitoi inikhu lo: “O ni Pu kungugha lo küau, O je akimthe shilo,

John 11:42

No ye alhokuthu I tsa initsü cheni kepi I no ithi ani, ikemu I no hi pi akeu ye timi hile puthugho akeqo pelo Nono I puwue pi pülülu peniye ke.”

Apostolmi 10:31

eno pi, ‘Cornelius, o kighini eno nono kumlhomi kuphu chekeu hu Alhou no ikhiluve tsüae.

ZAKINIU 11:12

Ampeu nongu Lhou no ayeghi hipau tucho acheni. Ampe bothu lono kishekha kutolo Ampeu nongu Lhou nhethi no jukuto acheni.

ZAKINIU 12:11

tileno Ampeu no Pa je ghenguno kishelu ke-a lo, I no nongu vilo süghi lopi azah tsükeu kümtsü peighini: akipti kümllagho, aghakishi kümllagho, chighi saje, nongu no Ampeu lau ashoqhi kümllagho shikeu akiviu kümtsü süghini.

ZAKINIU 12:21

Tsala Ampeu nongu Lhou no Pa je ghenguno kisheni ye akeu-a huno ala kushuo shive aye, I no azah nongu tsüke toi kugho kughomu nongu ye Ampeu no nongu kümgha tsükeu lhoxü loji gholono lakhi heqhipe nongu no akeu phughi lono heqhi chulu nani.

ZAKINIU 12:5

Ikemu Ampeu nongu Lhou no Pa je ghenguno eno Pa kungo-a shikepu nongu shiaye yeghi lo khile kisheni keno nongu ti phuni, eno tilau wuni.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

1 John 5:14

Ningu no Alhou lau amlo kuloghipu akeu ye hike: nino kiu kiumu Pa pulou lono khu aye Pa no chilutsü nani.