KUKAMI ATUGHIU 8:42 - Sumi Naga CL (Re-edited) Bible (BSI)

⁴² (kughengu panongu no O je kije, O küka kumto, eno O u kümgha ghili chilu nani), aki hileno O lau inikhu aye,

BAIBEL (BSI)

⁴² kughengu timiqono oje kije chilu nani eno owu kumgha eno owu xacho pesu akeu ghili chiluno akumllaki hipaulo ighino inikhu aye,

KUKAMI ATUGHIU 8:42 Iomraidhean Croise

KUKAMI ATUGHIU 8:41

“Titoi inami ow timi Israelmi kumo kemu aghakhu kushuo lono O je ghenguno ighi kelo,

KUKAMI AKINIU 17:36

ikemu nongu ye Ampeu khuu no aküka akumto kije lono, eno Pa u sükhope nongu sasü Egypt lono ipeghi keno, Pa sümsani. Nongu ye Pa zülo pishiqhoni, eno aghashipe Pa tsüni.

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

YEKIKITHI AKINIU 32:31

Ikehu kughou Babylon yepemi lachemi no Hezekiah vilo aghakhu lo amchipu vehu ighiju niye ighi keno, Alhou no Hezekiah peju no pa mlo lo kiu ani keno kümtsü ithi niye pakutoshi qhive.

LESHELE 136:12

Pa u kumto eno Pa küka kumto vecheo saipeghi, kughengu Paw iqemokeu kikimiye ye alholo acheni;

LESHELE 89:13

No ye akughushu küka ani; O u ye akumto, O u ajeu ye qhemghai ke.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 15:14

Ashiayeqo no chiluvae; panoqo ye msa khokhoshi ani; apunu küsü no Philistia lo küxümiqo tsügha luvae.

IPEKULU 3:19

Ikemu I no ithi anike akughushu u no tsüikhomo pa kite moke kutolo Egypt kükau ye nongu puwumo nanie.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 9:15

Kughengu itehi I no I u peqheno püsa pesü no eno ow timiqo heke aye, nongu ye ayeghi hipau lono kühave aghini cheke.

ISAIAH 51:9

Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

ISAIAH 63:12

Pa no Moses u ajeu Pa kükakumto tsüve, Pa likhi Pa je shekhaha ghenguno ache penike panongu zülono azüghi kijethave tsüke.

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

JEREMIYA 31:11

Kughengu Ampeu no Jacob xachile luvae eno pano nguno akumtomi u lono pa qhüchile luvae.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

EZEKEL 20:33

“I no xüake toi, Ampeu Alhou no asheshu, mtsüqheino au kumto eno au xachhope aloghu lephe keu lono I no nongu shou akükau shi nani.

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

AKIKIHI 15:14

Tsala inaghami nongu gholo ado ikhonhei akemi momu akütsa shi ngove kemi namu, Ampeu lopushi tsüngqüi achuqupu kümllagho pesü mllanishi aye, pa ghi nongu toi shipelo.

Apostolmi 8:27

Pa no wu kelaye tile Ethiopiami lakhi cheghi, pa ye Ethiopiami kükalimi küghaki Kandake lo shoko, akinibo jukükütsü tou ke. Pa ye Jerusalem lo Alhou mllani ye ighi,

ZAKINIU 3:24

‘O Ampeu Alhou, No ye itehi no O kighiche eno akumto pesü O qeu piyethu aphie. Kughengu Ow akümzapu kümla Nono shi aketoi kungugha lo eno ayeghi lo alhou khuu no shikulupu kea?

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 4:6

Tipaqo pelu lo kughengu ashiayeqo zülo tino nongu lokütsüpu eno vethakulupu shinani, panongu no tipaqo chilu no pi nani, ‘Kuchou no shiye kije hipau ye alokütsü eno vethakulu timiqoe.’

JOSHUA 4:24

tishikeu lono ayeghilomi kümtsü no Ampeu küka ye akumto kepi ithi eno nongu pelo Ampeu nongu Lhou alhokuthu sümsache peniye ke.”

JOSHUA 7:9

Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”