KUKAMI ATUGHIU 7:14 - Sumi Naga CL (Re-edited) Bible (BSI)

¹⁴ Pa ye Naphtali shiaye lo chimemi nu ke, pa pu ye Tyremi, alazayi kümlami. Pa ye alokütsümi, vethakulumi, eno alazayi kümla lo shitsa shi kiukiumu mla chekemi. Pa no Solomon lau ighi no pa kümla kümtsü shitsüe.

BAIBEL (BSI)

¹⁴ Paye Naftali lagha lono ikowokemi achineu nuke, papuye Tur lono ighikemi, alazayi kumlami; eno paye alokutsu, akighithi eno alazayi kumlalo ighono shitsami lakhike. Solomon no pa kukeu kiqi lono ighino alazayi kumla kumtsulo pano ampi shitsu.

KUKAMI ATUGHIU 7:14 Iomraidhean Croise

YEKIKITHI AKINIU 2:14

paza ye Dan limi eno papu ye Tyremi. Pa ye ameshoyi, ghükayi, alazayi, ayi, atu ngo asü kümla eno hughai, tsülabei, hughüi, eno amekusho phi kümla lo qokiphe luve kemi. Pa ye I mpeu eno o pu David kümlami gholo aye yekütha kümla jeli kiukiu pa pülü mu, kümtsü shilu nani.

YEKIKITHI AKINIU 2:6

Ikemu kungugha akiqheu thotsü Pa qhilu kepu-a kühake khuu no Pa ghenguno aki shikulupu kea? Pa zülo akümllagho tsünike ghenguno kumo aye ni ye khuue pi Pa ghenguno aki shiqhe luni kea?

YEKIKITHI AKINIU 4:11

Hiram no ali, sholepu, eno chithakhuqo mlae. Hiram no akükau Solomon ghenguno Ampeu ki shikeu lo akümla pa pülü keu kümtsü shikhave.

YEKIKITHI AKINIU 4:16

Ali, sholepu, jilisa, eno Alhou kilo peithani keu nhemgha kümtsü Hiram no Akükau Solomon ghenguno nupheve keu alazayi no mlatsüe.

IPEKULU 28:3

No ye atshamgha shikithimi khunoqo lau I no kütshakügha ghungu tsüpüani keno panoqo pelo Aaron phimini mla penike pütsalo, tishianguno pa pelo pa küxü ikhiphepe I chinemi shipenie.

IPEKULU 35:30

Tishino Moses no Israelmi vilo pi, “Julo, Ampeu no Judah shiaye lo Hur nu, Uri nu Bezalel akivishi ithi anie;

IPEKULU 35:31

eno Alhou Ghungu pesü pa shepichhi tsü, tipau gholo kütshakügha, alokütsü, akighithi, eno atshamgha mlakithi kümtsü pesü pa tsüe,

IPEKULU 35:35

Pa no ayi yetha kemi, aye shipuku kemi, eno ayeho atsüla, hughai, huchuyi, eno phepheike phi kipili pesü aphi lo aye shisü chekemi no shilu chekeu kighithi pesü pama shepichhivae.”

IPEKULU 36:1

“Bezalel ngo Oholiab eno atshamgha shikithimi ye Ampeu zakütsü kiqi lono Ampeu phiki kimthe kümla lo kiu kiumu mlaithalu penike akümla shikithi ngo alokütsü tsüvae.”

IPEKULU 36:8

Akümla kishimi dolo shitsami no Ampeu kungo phiki eno tipau gholono nhaqhiphi chighi mla. Tipaqo ye phepheike phi, atsüla, hughai eno huchuyi keu yeho pesü aye kivishi cherubim mlae.

ISAIAH 28:26

Kughengu pa ye achipishi pa Lhou no kütsüshika püani ke.