KUKAMI ATUGHIU 6:5 - Sumi Naga CL (Re-edited) Bible (BSI)

⁵ Khalacheu tozü da ghi aki homxa, axugha shiqhe, eno akuchughi lo acheboqo mla. Eno pa no homxa akuchughiqo lo achebo mla ke.

BAIBEL (BSI)

⁵ khalacheu tozu daghi, akuchughi hula-hila eno ahuu akusau kumtsu homxa aki kikishe kuthu shipuku eno ti aki lakhi khilo akiqhe lau miter kini sentimiter muku ke

KUKAMI ATUGHIU 6:5 Iomraidhean Croise

KUKAMI ATUGHIU 6:16

Pa no aki alou aküsa küdau aghüza lono akupuwu kutolo cedar sü no aunhekipshe 30 mla, eno alou chebo pesü Shishe Akimthe-a shi mlae.

KUKAMI ATUGHIU 6:31

Shishe Akimthe-a hukikha ye olivesü no shi; eno ahukikhasü ngo akuchosü ye ako pungu.

KUKAMI ATUGHIU 6:6

Ajolha aqhou no akijelau aunhekipshe tsüni tüxa, amtau no akijelau aunhekipshe toku, eno aküthüu jolha no akijelau aunhekipshe chighi tüxa. Aki boküthaqo ye atozü lo chopuku no aghüzasü sümo namu puthugho kulupu shie.

YEKIKITHI ATUGHIU 23:28

Kughengu panongu kümlapu ye Aaron laghami kuphu ghi Ampeu kilo hukuthu kümla shini keu, aki khala eno alou acheboqo jukütsükiyi, akimthepu thimeqo shikimthe, eno hukuthu kümla kiu kiumu shini keu ke.

YEKIKITHI ATUGHIU 28:11

Tishino David no pa nu Solomon lau achineki kukughu shipe tsü, akikhala, aki alou chebo, achineki kinibo, akümllagho thimeqo kinibo, kunguu ngo alou chebo, eno küpükini lakhü qhikepu chebo;

YEKIKITHI ATUGHIU 9:26

Levi lagha lo aghukhetomi pano bidi ye Alhou kilo akungo-a eno tinhemghaqo shou ghi ampemi shipe.

YEKIKITHI AKINIU 31:11

Tileno Hezekiah no Ampeu kilo acheboqo kuto lopi azah tsü kelo panongu no kutove.

YEKIKITHI AKINIU 4:20

akulu kibepuqo, kughu tsükeu kiqi lono akimthe-a alou küiqü kepu ameshoyi kimthe no mlakeu kulubo;

YEKIKITHI AKINIU 5:7

Tishino achinemi no Ampeuw Puloshoqhi bohu pesü achineki lo ilo alou akimthe chebo lo Shishe Akimthe-a lo cherubim küma qholo qhive.

YEKIKITHI AKINIU 5:9

Akipesüqo ye kushuo kehu Shishe Akimthe-a khalau no pishipuwo ashe ithulu, ikemu Akimthe-a nguno khalau ye ithumlae; tipau ye ishi kutolo tile achephi.

NEHEMIA 10:37

Athi atüghüu lono asho kunu keu, alulo pekighi qhasü keqo, asübo jeli lono axathiqo, atsaizü eno thazü, kümtsü Alhou chineki chebo lo, achineu lau pewuni. Ayeghi lo pekighi thaqhü chighi saje ye Levimi lau pewuni, kughengu Levimi no ni phughi kümtsü lo chighi saje hekütsü cheni ke.

NEHEMIA 12:44

Tipa tsalani achineki lo tüqhatüzü jeli, ghile hutüghüu, eno chighi saje kiqhi-a lo hekükütsümi süsüve. Ayezah lo aketoi panongu no mishiphu lo alu lono achinemi ngo Levimi saje pewo qhitsü, kughengu Judah timi no achinemi ngo Levimi shou amlokiqi ake.

LESHELE 28:2

Kughou I no kuphu penike O lau ighamkuni keno, I no shishe O kimthe-a küdau I u peqhe eno kimiye tsü penike qhüiniju kelo chilu tsülo.

IPEKULU 25:22

Akünha sholo ashepe bohu shou cherubim kini akeu mta lono I no o sasü kushoni, Israelmi ghenguno I no azakütsü o tsüniye akeu vehu I no tileno o vilo pini.

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

JEREMIYA 35:2

“Rekhabmi limi lau wuno panongu sasü Ampeu kilo achebo lakhi lono pütsalo; tishino atsaiji piyelo.”

JEREMIYA 35:4

I no panongu sasü Ampeu kilo Igdaliah nu Alhou timi Hanan, eno pa nuliqo chebo lo ighi, ti ye hiyampemi chebo, khikhi ahukikha kheu Shallum nu Maaseiah chebo shou akeno tipau loke.

EZEKEL 40:17

Tishino pa no akikhala lo I sailo. Julo, tile acheboqo ngo alaghi no akikhala homxape ae. Achebo shighi alaghi jolo shisüpe ae.

EZEKEL 40:44

Alou khagho khalacheu achebo kini akikhala alou ae, lakhino ahuu khagho apheu apeu jupiqi ae eno lakhiu no apeu khagho apheu ahuu jupuqho ae.

EZEKEL 41:4

Pa no achebo akushulau mighiju, ti ye auxakuchho chighi, akijelau auxakuchho chighi, ti ye aküpüla la heche ilo kelo ke. Pa no I vilo pi, “Hi no Shishe Akimthe-a ke.”

ACHINE 16:2

eno pi, “O mu Aaron vilo ado kümtsü lo nhaqhiphi thiu Akimthe-a lo Puloshoqhi bohu shou kimiyekini lakhü zülo ighi kevilo pilo, tishikeu lono pa ye thimo nani. Kughengu Ni ye tipa shou khüngküsü lono ipeghi nani.

AKIKIHI 7:89

Kughou Moses no Ampeu sasü küptsani ye Aphiki lo ilo keno, pa no Puloshoqhi bohu shou cherubim kini dolo küpükini lakhü akeu shouno asütsa lakhi chilu, eno tino pa pütsae.