KUKAMI ATUGHIU 5:8 - Sumi Naga CL (Re-edited) Bible (BSI)

⁸ Hiram no Solomon lau asütsa pi puwu, “I no o tsape chiluvae eno nono khu akeu cedar ngo sahu süpa kümtsü tsünike pulovae.

BAIBEL (BSI)

⁸ Tishino Hiram no Solomon lau asutsa hipau puwu: “Ino osutsa chiluvae eno nono kiu khu anikeno ti otsunike niye kutope ani. Ino Kedar ngo Sahusu ishi pesu tsuni.

KUKAMI ATUGHIU 5:8 Iomraidhean Croise

SAMUEL AKINIU 6:5

David ngo Israelmi kümtsü no alejo, aheo, akighilebo, amqübo, qüqüpu eno küghapayi pesü Ampeu shipili che.

KUKAMI ATUGHIU 5:7

Hiram no Solomon tsa chilu kemtsa ighono alovive no pi, “Ishi tsala hipau lo Ampeu sheqhelo, Pa no alokütsü nu pesü ashiaye kuloghi shou ka penike David tsüke.”

KUKAMI ATUGHIU 5:9

I qemi no Lebanon lono azüghi kutolo süqighini, tileno I no ashuka toi mlave tsüno nono kichetsü ke-a lo azü lono puwuve tsüni. Tilauno kuqho luve no ow timiqo no peluve peni. Tishino I kibolomi ghenguno chuqu-kusho kutotsü masa keu no o lokümsü shilo.”

KUKAMI ATUGHIU 6:15

Pa no aki alou kupuwu ye Cedar süpa pesü mla. Alou aghüza lono amqha kutolo asü pesü mla, eno aki lo aghüza ye asahusü no mlae.

KUKAMI ATUGHIU 6:34

Ahukikha kini ye asahusü no mla; ahukikha lakhi lo apa kini shino küqhüchhelu, titoi ahukikha lakhiu lo apa kini shi mlae.

YEKIKITHI AKINIU 2:16

Eno ningu no Lebanon lono nono kiukiu sübo avehupu shimu ashuka lono Joppa kuto puighi tsüni, tilauno o pelo Jerusalem lo pewuve peni.”

YEKIKITHI AKINIU 3:5

Akümlla chebo loye pa no asahusü no kithipe dave no ameshoyi kivi no küzüve, tipa shou amsabo julho ngo ayikichhe shisü.