KUKAMI ATUGHIU 5:7 - Sumi Naga CL (Re-edited) Bible (BSI)

⁷ Hiram no Solomon tsa chilu kemtsa ighono alovive no pi, “Ishi tsala hipau lo Ampeu sheqhelo, Pa no alokütsü nu pesü ashiaye kuloghi shou ka penike David tsüke.”

BAIBEL (BSI)

⁷ Hiram no Solomon sutsa chiluno ighono pa lokivishive eno pi, “Ishino AMPEU shelo kughengu alokutsu nu hitoi ke pesu David zuqhulo ashiayeh hipaqo shou kalupekeu ghenguno!”

KUKAMI ATUGHIU 5:7 Iomraidhean Croise

BOTHUBO 33:5

Kughou Esau no pa nhethi tsüpuku no jupuwo keno totimi eno atianuliqo ithulu, eno pa no pi, “O gholo hipaqo ye khunoqo kea?” Jacob no pi, “Alhou no küpüqhiyi atianuli o qeu tsükeqo ke.”

KUKAMI ATUGHIU 1:48

Akükau no highi pi, ‘Israel Lhou Ampeu sheqhelo, Pa no ishi tsala lono I kükalakhü lo iqani keu pekithi tsüno I nhethi no ithulu peke.’”

KUKAMI ATUGHIU 10:9

Ampeu o Lhou shelo, Pa no o shou amlokiqi shi no o pesü Israel kükalakhü lo qhike! Kughengu Ampeu no alholo Israel kimiye ke ghenguno Pa no o pesü akükau shike, tishikeu lono o pelo achipiu eno amikucho shi peniye ke.”

KUKAMI ATUGHIU 3:9

Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

KUKAMI ATUGHIU 4:7

Solomon ye Israel kümtsü lo ampemi chighikini ache. Panongu lakhikhi no akükau ngo pa kibolomi ghenguno aqhi lakhikhi kiphi ghi ampe kupuju lo achuqupu tsüche.

KUKAMI ATUGHIU 5:6

Tighenguno Lebanon lo Cedar I ghenguno yeqhi tsülopi azah tsülo. I qemi no o qemi gholo küqhano mla peni eno nono betha tsükeu kiqi lono I no ajume panongu tsüni, kughengu nono ithi anike ningu ye Sidonmi toi asüpa küxüthi kemi kühae.”

KUKAMI ATUGHIU 5:8

Hiram no Solomon lau asütsa pi puwu, “I no o tsape chiluvae eno nono khu akeu cedar ngo sahu süpa kümtsü tsünike pulovae.

LESHELE 137:6

Tsala I no o kümsümave aye, tsala I no Jerusalem pesü I lokivi akiqheu nguno qhemghaike-a lo qhimove aye, I mili no I taha daluve peniu!

AHOLE 10:1

Solomon holetsaqo. Alokütsü nuli ye apu mlokiqipu, ikemu mbomzü nuli ye aza mloghimepue.

AHOLE 13:1

Alokütsü nu ye papu kükütsütsa ini cheni, ikemu akuchhomami ye sakiyi keu initsü chemoe.

AHOLE 15:20

Alokütsü nu ye apu mlokiqipu, ikemu mbomzümi no paza thaigha cheni.

AHOLE 23:24

Amikuchomi papu ye shishe alovi nani, alokütsü nu papu ye pa nu jupe akijivile nani.

ISAIAH 8:18

Julo, ni eno atianuli khunoqo Zion Toghi lo achekeu aqokitikhi MPEU no I tsü keno, ningu ye Israel ghenguno Paw michipu eno xüakeu thopi ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.