KUKAMI ATUGHIU 4:20 - Sumi Naga CL (Re-edited) Bible (BSI)

²⁰ Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

BAIBEL (BSI)

²⁰ Juda eno Israil yeghiqhalo timiqono azughi mukulo asaye toi ikowove; panonguno chu-sho luno ighono alokivi shilu.

KUKAMI ATUGHIU 4:20 Iomraidhean Croise

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 32:12

Ikemu Nono pi, ‘Mtsüqheino Ni ye o lau akivi shitsü nani, eno o lagha pesü azüghi lo asaye, khikhi kihi khamla keno titoi aqokitikhi shitsü nani.’”

KUKAMI ATUGHIU 3:8

O qeu ye Nono kisheluve kemi, shishe ajekipimi, eno kihikhakümla timi hijeje dolo ani.

KUKAMI ATUGHIU 4:29

Alhou no alokütsü ngo vethakulu kimghimla kepushi Solomon tsü, eno azüghi mkülo asaye jehi akükümsü kuthoküzü pesü pa tsü,

KUKAMI ATUGHIU 5:9

I qemi no Lebanon lono azüghi kutolo süqighini, tileno I no ashuka toi mlave tsüno nono kichetsü ke-a lo azü lono puwuve tsüni. Tilauno kuqho luve no ow timiqo no peluve peni. Tishino I kibolomi ghenguno chuqu-kusho kutotsü masa keu no o lokümsü shilo.”

KUKAMI AKINIU 18:31

Hezekiah tsa ini kevilo, kughengu Assyria kükau no ishi piani: ‘Nongu ye I sasü külashi luve lo eno I lau ighi lo. Tishi aye nongu no pütüta tsaibo eno mububo lono chulu nani, eno pütüta zükhe lono azü yelu nani.

YEKIKITHI ATUGHIU 12:39

Ikehu panongu no atsala küthü kutolo David gholo ngono pano thiküzümi no kuto tsükeu chusho ae.

YEKIKITHI ATUGHIU 22:9

Julo, anu lakhi khuu vecheo iqüghai keu yekipe süghi nani keno, o lau punutsü nani. Pa hokümxa lo aghümi akemi kümtsü launo I no pa lokughunotsü nani. Kughengu pa je ye Solomon ipi ku nani, eno pa ghuloki lono I no Israel lo külakishi ngo iqüghai keu süghitsü nani.

JOB 1:18

Pa no pi aphi lono itaghi lakhiu ighive no pi, “O nu anoghiu kilo anuliqo no chusho akelono

AHOLE 14:28

Akükau jekipipu ye aqokitikhi vecheo ithi cheni, ikemu timi küha kelo sakiphemi akeu ye adou ke.

YETSAPIU 2:24

Timi lakhi no pa ghime vecheo alopivi luno chusho akeu nguno akiviu kütau kiumu kühae. I no ithi keu no hi ghi Alhou launoe,

ISAIAH 22:13

Ikeghi julo, nongu no alokivi eno ahukülü shi amishi ngo ambe heqhichu eno atsaiji shove no pi, “Ningu chushoni nolo, kughengu thoghiu ningu ye thiveni ake.”

MICAH 4:4

ikemu kümtsü no pütüta tsaibo eno mububo qholo nani, eno khunomu panongu shikümsa monani, kughengu aqokitikhi Mpeu kichi lono piqhivae.

ZEKHARIA 3:10

Tipa tsalani, aqokitikhi Mpeu no asheshu, nongu kümtsü no pa kisüghüu kusü no pa tsaibo eno mububo qholo ighipe nani.”

ZEKHARIA 9:15

Aqokitikhi Mpeu no panoqo süsho nani, panongu no kütsale eno akighi lono atu kihi chekemi theqhive nani, panongu no atsaiji sho nani eno shomzü akeshi igha nani, akiptia chekuqo pütsüni ye akhu chhitoi akeshi nani.

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

SAMUEL ATUGHIU 30:16

Kughou pa no David saiqi keno, julo, panongu ye aqha kümtsü nhakhape chusho eno ilhe aghi, kughengu panongu no thime kutomo Philistiami ngo Judah yeghi lono lepu ighilue.