KUKAMI ATUGHIU 21:13 - Sumi Naga CL (Re-edited) Bible (BSI)

¹³ Eno küsaküghami kini no ighi no pa zülono timiqo küa lono Naboth nguku, “Naboth ye Alhou ngo akükau ghushovae.” Ikehu panongu no pa sasü aphughi khalau ipe no atu pesü veqhive.

BAIBEL (BSI)

¹³ Timi ghusho chekeu atuna pamano Nabot ye Alhou eno akukau ghusho vea pi ngukuthuve eno pa sasu aphughi khalacheu saipeno kughupe puakeutoi atuno pa veqhi pithive.

KUKAMI ATUGHIU 21:13 Iomraidhean Croise

KUKAMI ATUGHIU 21:14

Tishino “Naboth ye thivae,” pi Jezebel lau pi puwuve.

KUKAMI AKINIU 6:32

Elisha ye pa kilo layemi sasü ngo ae. Tile akükau no timi lakhi hapuwu, ikemu atsapeu no Elisha lau ighi mphi lono Elisha no layemi vilo pi, “Nongu ye hi timi hekiqhiu no kishi I kütsü luve tsüniye timi puwu ani keno ithi anima? Kughou atsapeu no ighini keno, ahukikha khave lo eno tsatsai tudape ngoluve lo. Pa mpeu pukhu sütsa pa thiuno ighi nanike kumo keshea?”

KUKAMI AKINIU 9:26

‘Ighina I no Naboth ngo pa nuli ji pele keu ithulue—Ampeu no sheshu—I no alu hipau lono o lochile nani.’ Tighenguno itehi, Ampeu tsa kiqi lono Joram kumo ikhipe Naboth lu lo vesüve tsülo.”

YEKIKITHI AKINIU 24:21

Ikemu panongu no pa shou küsüqe, eno akükau zakütsü lono Ampeu ki khala lono atu pesü pa veqhive.

JOB 1:11

Ikemu pa pighi shou O u chhopuku julo, pa no O gi thepe ghusho nanike.”

JOB 1:5

Kughou no aghulhu tsalaqo taveni keno, Job no panongu ku puwu no shikimthepe Alhou lau ikhiphe tsüche, pa no inaqhe itheno ithu panongu lakhikhi ghenguno akipti kümllagho shiche. Kughengu pa no piche, “I nuliqo no axine shive no panongu mlo lono Alhou ghushove aghi nosake.” Ikehu pa no alhokuthu hitoi shiche.

JOB 2:9

Tileno pa nipu no pa vilo pi, “Itehi kutolo o mikucho tsüqü peni keshea? Alhou ghushove no thivelo.”

JOB 31:39

tsala I no ame tsümo no tipau lo pekighi chu püaghi eno tipau mpemi no tipa jeku lono aküxü kühave aghi aye,

LESHELE 27:12

I ghümi pulou lo I phesüve tsü kevilo; kughengu kichile thopimi no I shou ithughivae, eno panongu ye ngukangugha tuthu shephe ani.

LESHELE 35:11

Xesüxeni thopimi no ithughi; eno I no mtha keu thime panongu no I vilo ighiju.

IPEKULU 20:16

“No ye o kisüghüu shou akimki thopi shimoni.

AHOLE 19:28

Ameküküha thopimi no achipiu xakütha thaigha cheni, eno kixikilami kichi no axine munove cheni.

AHOLE 19:5

Kichile thopiu ye aghimepu lono pojoluni keu kumoe, eno alatsa piche kemi ghi povemlae.

AHOLE 19:9

Kichile thopiu ye aghimepu lono pojoluni keu kumoe, alatsa kipimi ye pühave nani.

AHOLE 25:18

O kisüghümi küla ghi kichile thopi shikeu ye asüthalu, azütakikihi, momu apiji toike.

AHOLE 6:19

atuthukishe kümtsü alatsa piqhi chekeu kichile thopiu, eno shompami dolo aküküpna xusü chekemi.

YETSAPIU 10:20

O kükümsü lonomu akükau ghusho kevilo, momu o chebo lonomu kinimi ghusho kevilo, kughengu aghau ngo achishibo kupu lhoxü no o tsa pesü pive tsü nani.

YETSAPIU 4:1

Itaghi ayeghi lo nedaqoda keu kümtsü I no ithulue. Nedaqodape akeqo nhezü julo, pano gho shitsüni kemi kühae! Kughengu aküka ye pano qhasü akemi gholo ani kehu khunomu pano lokughuno tsüni kemi kühae.

ISAIAH 8:21

Panongu no aveküsa eno akhüava shi itsü iqhoiqi nani; kughou müzüthi ipeghini keno panongu no axuideuve no pano kükau ngo pano lhou ghusho nani. Panongu no kunguu jupuku

AMUS 7:10

Tileno Bethel lo achineu Amaziah no Israel kükau Jeroboam lau ishi asütsa puwu, “Amos ye Israel lo akemi zülono o shou küsüqe ani. Aghakhu ye pa tsapi puqhelu movae.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 9:3

Eno julo, Ayezah shikükami khami no panongu ampi pütsa, “Timi hipau ye Alhou thaigha ani.”

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

John 19:12

Tileno Pilate no pa kuqhophe niye pükapütsa. Ikemu Jewmi no igha kithe pi, “Nono timi hipau kuqhopheve aye, no ye Caesar küsau kumoe! Khuu no pa ampi pesü akükau ipi cheni keno pa ye Caesar mjochile ani.”

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

Apostolmi 6:11

Ikehu panongu no timi khami chuxu no ishi pipe, “Pa no Moses ngo Alhou thaigha keu tsa pikeu nino chiluvae.”

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

ZAKINIU 21:21

Tileno mishighüna lo küami kümtsü no atu pesü pa veqhiveni. Hitoi alhoksa ye nongu dolono shipühave lo eno Israelmi kümtsü no chilu no msave nani.

ZAKINIU 22:21

panongu no li sasü papu ki hukikha lo wuno tilauno mishighüna lo kiptimiqo no atu pesü li veqhi pithiveni, kughengu li no apu ki lono kütüqhave keu vecheo Israel lo akukujopu kümla shike. Hitoi alhoksa ye nongu dolono ikhiveni.

ZAKINIU 22:24

pama sasü aphughi khagho lo ipeghi no atu pesü pamagha veqhive lo. Ayiliu no aphughi lo akeghi hakhotsü penike ighamkumo kehu, eno akiptiu no kütami nipu shipüthave kehu pithive masake. Hitoi alhoksa ye nongu dolono ikhiveni.

ZAKINIU 5:20

“‘O kisüghüu shou akimki thopi shi kevilo.

IBRIMI 11:37

Atu pesü panongu veqhi, amta lono xapho kini shive, azütakikihi no ghiqhive. Panongu ye ambe ngo ane yiko pepusü itsüche, aqüagha, shikighime, peitha püsa,