KUKAMI ATUGHIU 20:12 - Sumi Naga CL (Re-edited) Bible (BSI)

¹² Kughou Ben-hadad no apusho lo kükami sasü aji sho akelono atsa hipau chilu keno, pa no paw timiqo azah tsü, “Aghü shinike kutolo.” Panongu no aphughi lenike kutove.

BAIBEL (BSI)

¹² Benhadad no pa gholo suakemi eno kutami ayehkipemi kuqhano panongu phikilo ngono sho akelono Ahab wu khokichile sutsa ithulu. Pano pawu timiqo mtazu aghili kutono aphughi lelopi ahza tsu, ike panonguno kuto kughoi pesu cheve.

KUKAMI ATUGHIU 20:12 Iomraidhean Croise

SAMUEL AKINIU 13:28

Tishino Absalom no pa qemi azah tsü, “Amnon no aji shove no amlo lo alokivi shi akeu amichi shivelo, eno kughou I no o vilo, ‘Amnon ghiqhive lo,’ ipini keno pa pithive lo. I no azah o tsü anike kumo? Msa kevilo; Amlo loghilo eno akumto shilo.”

KUKAMI ATUGHIU 16:9

Ikemu pa qeu, khurkulu ghüshimi tüxa shou zatsüu Zimri no pa shou küsüqe. Eno pa no Tirzah lo kükaki kheu Arza kilo shomzü ake lono

KUKAMI ATUGHIU 20:16

Puchou Ben-hadad no pa kuphu akemi kükami shighi kini sasü apusho lono aji shomzü ake lono panongu no aphughi lono ipeghi no lethuve.

JEREMIYA 43:10

eno panoqo vilo pilo, ‘Aqokitikhi MPEU, Israel Lhou no ishi piani: Julo, I no I qeu Babylon kükau Nebuchadnezzar puwu no pa kükalakhü pesü I no atu qhopüa keu shou ghotsü nani, eno pa no atuquqo shou pa küka pushonha xakho nani.

DANIEL 5:2

Belshazzar no kughou atsaiji miche keno, pa no ameshoyi ngo ghükayi no shikeu bohu khikhi papu Nebuchadnezzar no Jerusalem chineki lono luve keno tipaqo lono akükau eno pa qholo ampemi eno pa nipuqo ngo pa nipu amishiuqo pelo sho penike süghi peniye azah tsü.

DANIEL 5:30

Tipa ji putho lono Chaldeami kükau Belshazzar ye pithive.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

SAMUEL ATUGHIU 25:36

Abigail no Nabal lau ighi kelo, pa ye aki lo akükau lakhi ghulhu toi sasü aghi. Eno pa ye ighono shomzüve kehu amlo lo aloviqhiyi ae. Ikehu thanau tsütho moke kutolo li ye kiumu pa vilo pimove.