KUKAMI ATUGHIU 20:1 - Sumi Naga CL (Re-edited) Bible (BSI)

¹ Syria kükau Ben-hadad no paw ghüshimi kümtsü hekütsü. Kükami shighi kini no khurshi ngo khurkulu sasü pa gholo küqha, eno pa no Samaria lenike bosü luve no lethu.

BAIBEL (BSI)

¹ Siriya lo akukau Benhadad no pawu ghushimi kumtsu hekutsuno tipau gholo ayehkipemi kutami pano shighi kinino panongu wu khurkulu sasu ighino Samaria lenike ghenguno alachethuve eno ti sumxa le thuve.

KUKAMI ATUGHIU 20:1 Iomraidhean Croise

KUKAMI ATUGHIU 15:18

Tileno Asa no Ampeu kilo eno kükaki lo akini küakini ghükayi eno ameshoyi kümtsü pa qemi u lo sütsü no Damascus lo Hezion nu Tabrimmon nu Syria kükau Ben-hadad lau puwu no pipe,

KUKAMI ATUGHIU 15:20

Ben-hadad no ti chilu no paw ghüshimi zatsümi pesü Israel phughi hipaqo levepe, Ijon, Dan, Abel-beth-maacah, eno Chinneroth gholo Naphtali yeghi kümtsü.

KUKAMI ATUGHIU 16:24

Pa no ghükayi ahu 70 pesü Shemer ipikeu launo Samaria toghi qhüluve no atoghi homxa aliwo shive, eno tipau phughi pesü ti ampeu Shemer je lono Samaria ipi kuvetsü.

KUKAMI ATUGHIU 20:16

Puchou Ben-hadad no pa kuphu akemi kükami shighi kini sasü apusho lono aji shomzü ake lono panongu no aphughi lono ipeghi no lethuve.

KUKAMI ATUGHIU 20:2

Pa no atsapemi hape Israel kükau Ahab lau hitoi pipe, “Akükau Ben-hadad no ishi piani:

KUKAMI ATUGHIU 20:24

Ikehu hi shilo: kükamiqo pano-a lono ikhive no tile zatsümi süvelo.

KUKAMI ATUGHIU 22:31

Syria kükau no paw khurkulu shou kepten pano shighi kini vilo azah tsü, “Israel kükau likhi kumo aye kütami kije aghulo namu sasü aghüshi kevilo.”

KUKAMI AKINIU 6:8

Ghuthu lakhi Syriami kükau no Israelmi sasü aghüshi akehu akükau no paw kijemiqo pütsa no pi, “A-a hipaqo lo I ghazü shini.”

KUKAMI AKINIU 8:5

Pa no akükau vilo Elisha no kishi akithi lono aküxü shivetsü keno lhe akelono aza khuu nu Elisha no xüputhu tsü keno, li no akükau lau ighi no li ki eno ayeghi tsüchileve lopi qhüiniju. Gehazi no pi, “O akükau, I mpeu, aza khuu nu Elisha no xüputhuve tsü keno hi chenie.”

EZRA 7:12

“Artaxerxes, kükamiqo kükau no achineu, kungugha Lhou Yezah kükütsüu Ezra lau ye ani, aloino alo. Itehi

IPEKULU 14:7

khurkulu kishekiphe aqhe tsügho eno Egypt lo khurkulu kütau kümtsü lo hiyampemi no tipaqo shou ikuno sasü wue.

ISAIAH 10:8

kughengu pa no ishi pi ani: “Iw zatsümi kümtsü kükami kekumo?

ISAIAH 37:24

O qemi vecheo nono Ampeu thogha no pi, Khurkulu kutomo sasü I no Lebanon naghuto kiqhe kutolo mughosü cedar akushuu, cypress kishekiphe yeqhi niye ikue; eno kümtsü nguno akuchuquu-a, aghüma kivi ghasü iku tolue.

JEREMIYA 49:27

I no Damascus liwo lo ami süvetsü nani, tino Ben-Hadad liwo kumto pitileve tsü nani.”

EZEKEL 26:7

“Kughengu Ampeu Alhou no ishi piani: Julo, I no Tyre lachileni ke ahuu no Babylon kükau Nebuchadnezzar, kükamiqo akükau, khurshi ngo khurkuluqo eno khurshimi ngo ghüshimi kutomo aqokitikhi saighi nani.

DANIEL 2:37

O akükau, no ye kükami shou akükau, kungugha Lhou no kükaqha, aküka, akumto, eno ajuküvü o tsüvae,

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

AMUS 1:4

Tighenguno I no Hazael kibo shou ami puwuni, tino Ben-hadadw sükusho-aqo pitileve tsüni.

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

ZAKINIU 28:52

“Panongu no nongu phughi kümtsü khasü luve nani, eno nongu no pükhübe chekeu aliwo qhemghai putu püakeu kümtsü ikiqive nani. Ampeu nongu Lhou nongu tsükeu yeghi lo panongu no nongu phughi kümtsü lo nongu khasüve nani.

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

SAMUEL ATUGHIU 13:5

Philistiami no Israel sasü aghü shinike kuloqu luve, khurkulu 30,000 eno khurshimi ngo ghüshimi loji 6,000 no azüghi mkülo asaye toi ngove. Panongu no ighi no Michmash lono Beth-aven kipelau kutolo aghazü shipe ngove.