KUKAMI ATUGHIU 2:4 - Sumi Naga CL (Re-edited) Bible (BSI)

⁴ eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

BAIBEL (BSI)

⁴ Tsalatsa nono pa gholu aye AMPEU no tushoqhi puakeu toi ivilo ilaghaqono panongu mlo kumtsu suno pa zah kutsu kutokupui pelu ake tivilo Israil shou ayeh pelu nani ipi puakeu shikupulu nani ipi.

KUKAMI ATUGHIU 2:4 Iomraidhean Croise

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

SAMUEL AKINIU 7:25

Ikehu O Ampeu Alhou, Nono O qeu eno pa lagha ghenguno pive keu tsa alholo ghenguno thebei shitsü no pive ketoi mla tsülo.

KUKAMI ATUGHIU 1:48

Akükau no highi pi, ‘Israel Lhou Ampeu sheqhelo, Pa no ishi tsala lono I kükalakhü lo iqani keu pekithi tsüno I nhethi no ithulu peke.’”

KUKAMI ATUGHIU 11:36

Eno pa nu lau I no ashiaye lakhi tsüni, tishikeu lono I qeu David kuluqhe ye I no I je ghenguno kishelu keu phughi Jerusalem lo I zülo ache penie.

KUKAMI ATUGHIU 3:14

O pu David toi nono I gholu, I yezah eno azakütsü pelu no I laghi lo cheche aye, I no o xüpushu tsüni.”

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI ATUGHIU 6:12

“Nono aki hipau mla akeu vehu lo, nono I yezah lo cheche, I khuaye lo gholu, eno I zakütsü kümtsü pelu aye, I no o pu David lau piqhi püakeu, o vecheo shikupu tsüni.

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

KUKAMI ATUGHIU 8:25

Tighenguno itehi, O Ampeu Israel Lhou, Nono O qeu I pu vilo, ‘Nono I zülo cheche ketoi o nuli no titoi cheche aye, no ye Israel kükalakhü lo iqani keu timi püqümo nani,’ ipi püakeu kümsülu tsülo.

KUKAMI ATUGHIU 9:5

I no o pu David vilo, ‘No ye Israel kükalakhü lo iqani keu timi püqümo nani,’ ipi tushoqhi püake toi I no alholo o kükalakhü Israel shou süsüve tsü nani.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

KUKAMI AKINIU 23:25

Pa züu kükami khumu Moses Yezah lo thokha akeu kiqi lono, amlo, angulho, eno akumto kümtsü pesü, Ampeu lau tsüghü ighimoe, eno pa thiumu khumu pa toike ipeghi moe.

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 17:3

Ampeu no Jehoshaphat gholo ae, kughengu pa no pasü David yepe bothu lo toi shike. Pa ye Baal mllamoe,

YEKIKITHI AKINIU 6:16

Tighenguno itehi, O Israel Lhou, Nono O qeu I pu David lau hitoi piqhi püakeu shikupu tsülo, ‘Nono I zülo cheche ketoi o nuliqo no tsaqütsalei xü, eno I yezah pelu aye, no ye Israel kükalakhü lo iqani keu timi püqümo nani.’

YEKIKITHI AKINIU 7:18

I no o pu David vilo, ‘No ye Israel lo ayepeni kemi püqümo nani,’ ipi püake toi, I no o kükalakhü iqhikumto tsü nani.

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

LESHELE 37:22

kughengu Ampeu no kümghatsü kemi no ayeghi ighi luve cheni, ikemu Pa no ghushove kemi ye ikhive cheni.

LESHELE 37:9

Kughengu kixikila kümlami ye ikhive nani, ikemu Ampeu pükhü kemi no ashoqhi yeghi ighilu nani.

LESHELE 39:1

I no pi, “Ni ye I laghi jukutoni, tishiaye I mili pesü axine shimo nani; kixikilami no I zülo ake tivilo ni ye I kichi kujukha luveni.”

JEREMIYA 33:17

“Kughengu Ampeu no ishi piani: David laghami ye Israel kükalakhü lo iqani keu kühave monani,

ACHINE 26:3

“Nongu no Iw pimheye pape eno I zakütsü gholu no tipaqo pelu aye,

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.

MATTHEW 22:37

Jisü no pa vilo pi, “No ye o mlo kuchopu, o ngulho kümtsü, o kükümsü kümtsü eno o kumto kümtsü pesü Ampeu o Lhou kimiyeni.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

ZAKINIU 10:12

“O Israel, Ampeu nongu Lhou ye nongu launo kiu khu ani nomu hike, nongu mlo eno angulho kuchopu pesü Pa sümsa lo, thokha lo Pa pulou lono cheche lo, Pa kimiye eno huthu lo,

ZAKINIU 11:13

“Ishi tsala lo nongu mlo kuchopu eno angulho kuchopu pesü Ampeu nongu Lhou kimiye eno huthu penike I no tsü akeu zakütsü nongu no pelu aye,

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.

ZAKINIU 7:12

“Nongu no pimheye hipaqo tsaqüi ini no pelu aye, Ampeu nongu Lhou no nongu lau Paw puloshoqhi ngo iqemokeu kikimiye no puasüqo lau tushoqhi püakeu peche nani.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,