KUKAMI ATUGHIU 19:4 - Sumi Naga CL (Re-edited) Bible (BSI)

⁴ Ikemu pau ye atsala lakhi ghüzü toike lo aghasa qhalo wuve no asübo lakhi kicheqho lo ngove. Pa ye tile nomu thiveni kepi ishi kümsü, “Hi ye ihulovae; O Ampeu, itehi I küxü luve tsülo, kughengu ni ye I puasüqo nguno kiumu akivi ye kumoe.”

BAIBEL (BSI)

⁴ Elija ye atsala kupuju aghasaqhalo ala chesu wuve. Paye asubo lakhi kicheqholo iqa ngolu eno tilehinomu thiveni keghi pi kumsuuve. “AMPEU, hiye ihuloe, ikuxu luvetsulo; thivekeu pavi auvae!” ipi inikhue.

KUKAMI ATUGHIU 19:4 Iomraidhean Croise

KUKAMI ATUGHIU 13:14

Tishino pa no Alhou timi hasü wu kelo aphisübo qholo iqa aghi. Pa no pi, “No ye Judah lono ighi keu Alhou timi hu keshea?” Timi huno pi, “Ni ke”

KUKAMI ATUGHIU 19:3

Elijah ye msave no pa küxü pükha nike posü Judah lo Beersheba lo ighi, eno pa qeu tile qhive.

KUKAMI ATUGHIU 19:5

Eno pa ye asübo qholo züuve. Tileno kungumi lakhi no pa buno pi, “Ithughi no chulo.”

KUKAMI AKINIU 2:11

Pama no küptsa cheke lono paikhavi ami khurkulu ngo ami khurshi no pama kije kütüta shivetsü. Eno Elijah ye miyitsü lono kungugha lo ikuve.

JOB 6:8

O Alhou ghi I no qhüiniju keu khochiletsü keaye, eno Iw lakuju shikuputsü keaye,

JOB 6:9

I chisheqhini keu no Alhou lopushi aghi keaye, Pa u chhopuwo no I sasü ayigheve keaye lae!

JEREMIYA 20:9

I no, “Ni ye Pa je pimoae, eno Pa je kumoae,” ipi aye, Pa tsa no I mlo lo eno I saghilo ami toi pitiqhi cheni, ni ye tipau mtupe ngokeu no qeive no tokümlapu shivae.

AMUS 6:2

Calneh lo wuno julo, tilau no Hamath phughi kuloghi lo wulo; tishino Philistiamiw Gath lo iqilo. Nongu ye aghakhu hipaqo nguno akiviu keshea? Momu pano lughi ye no lughi nguno akuloghiu keshea?

JONAH 4:3

Tighenguno O Ampeu, itehi ye kimiyeno I küxüu luve tsülo, kughengu I ghenguno xü akeu ye thiveke pavivae.”

JONAH 4:8

Kughou khetsünhe ipeghi keno, Alhou no kipelau shukuthui keu mülhü puwu, eno khetsünhe no Jonah kütsü yedaqhi, ikehu pa ye thiuve cheghi. Pa pelo thive pelopi pa no khu, “I ghenguno xü akeu ye thiveke pavie.”

NAHUM 3:8

No ye Nile phivilo achekeu, azü no bothape achekeu, azüghi no aliwo shipe achekeu Thebes nguno akiviu keshea?

AKIKIHI 11:15

Nono hitoi I peitha kepushi aye, itehi no I pithivelo, ikemu I no O mlokiqipu shilu aye, I pelo I lhoksa ithulupe kevilo.”

MATTHEW 6:26

Atsütsü lo aghauqo julo: tipaqo ye apiti yisü chemo keke ghile huchemo momu ale lo pekütsü chemoe, ikeghi kungugha lo nongu Papu no tipaqo loji cheni. Nongu ye aghauqo nguno ameküapu kekumo?

John 4:6

Jacob zükikhe tile ache, Jisü ye aghüzüla lo che kehu akulho shive no azükikhe phivilo iqa ae. Ti ye puchomghü shiae.

Rommi 3:9

Tishi aye kiu pini kea? Ningu Jewmiu pavi anio? Moe, kiu lonomu kumoe. Kughengu ningu no pi ighive ketoi Jewmi ngo Jewkumomi kümtsü axine qholo ani,