KUKAMI ATUGHIU 19:11 - Sumi Naga CL (Re-edited) Bible (BSI)

¹¹ Ampeu no pi, “Khalau ipe no atoghi lo Ampeu zülo puthugho lo.” Tile Ampeu no hechesü wuve, ikelo Ampeu zülo ighono akumto mülhü no atoghi tipau fuphove tsüno atuqu ghi kubo pinyive tsü, ikemu Ampeu ye amülhü lo kühae. Amülhü thiu ayeghi küghütha ighi, ikemu Ampeu ye ayeghi küghütha lomu kühae.

BAIBEL (BSI)

¹¹ AMPEU no pa vilo pi, “Ipe puzuno naghuto tsuqolono izulo puthugholo,” ipi. Tishino AMPEU no vechewuno ighono kumsa kimshipu mulhu pesu atoghi tipau fuphovetsu eno atuquqo ghi kughutha kubo piniyive, ikemu AMPEU ye amlhu lomu kuhae. Amlhuno mulhu tave, tipashelo ayeghi itha ighi ikemu AMPEU ye ayeghi kughutha lomu kuhae.

KUKAMI ATUGHIU 19:11 Iomraidhean Croise

JOB 38:1

AMPEU no miyitsü lono Job khochile:

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 68:8

Sinai lo Alhou, Israel Lhou, zülo ayeghi no itha, atsütsü no tsütsüghu ghuqhie.

LESHELE 68:9

O Alhou, Nono pofushi tsüghuqhi tsüe; O mheghi no qhai-ghoi akelo Nono athoputho tsüe.

IPEKULU 19:16

Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

IPEKULU 19:20

Ampeu no Sinai Toghi kütsüqa shou iqighi. Eno Ampeu no naghuto kütsüqa lo Moses ku puku, eno Moses no tilau ikuve.

IPEKULU 20:18

Kughou timi kümtsü no tsütsüküsü ngo tsütsüpha kulokeu ithulu eno afuko ghügha ngo naghuto lo amchhi phokeu ithulu keno, panongu ye akümsa no khokho shive no putou puthugho luve

IPEKULU 24:12

Ampeu no Moses vilo pi, “Naghuto lo I lau ikughi lo eno tilauno I ngokhe lo, tishianguno I no atulupha lo Ayezah ngo azakütsü, khikhi I no panoqo kütsüshika penike yepüani keno tipaqo o tsüni.”

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

IPEKULU 34:2

Thanau ti kutope Sinai Naghuto lo ikughilo, eno naghuto kütsüqa lono I sholu kepu shilo.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

ISAIAH 30:30

Ampeu no timiqo pelo Pa sütsa kümgha chilupe nani, eno Pa xukighide lono amiküqü, tsütsüpha tsütsüghu, pasapagha eno mürasü piqi keu ithulupe nani.

EZEKEL 1:4

I no ju akelo pasapagha mülhü lakhi ahuu no ighi eno khüngküsü kije lakhi yevüqai keu no vehomxape ae, ami no tamono kulophapha ae, eno ami mta lo ayi no yepüvü ketoi ae.

EZEKEL 37:7

Ikehu azah I tsüke toi I no tungkuptsa pi. I no tungkuptsa pi kelaye asütsa lakhi ighi, julo, qüqüshi keu ghügha lakhi ighi, eno asaghiqo no xukümtsa luve no aghi no aghi lo kime luve.

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

ZEKHARIA 4:6

Ikehu pa no I vilo pi, “Hi ye Zerubbabel tsükeu Ampeu tsa ke: Akumto no kumo, momu aküka nomu kumoe, ikemu I Ghungu vecheo noe, ipi aqokitikhi Mpeu no pi.

MATTHEW 24:7

Kughengu shiye lakhi no lakhi sasü aghüshi nani, kükaqha lakhino lakhi le nani, püqümiye ngo ayeghi küghütha no a-a kütüta lo ipeghi nani.

MATTHEW 28:2

Tile ayeghi küghütha kije ighi, kughengu kungugha lono Ampeuw kungumi iqighi no atulupha tukulove no tipau shou iqave.

IBRIMI 12:26

Khaghi ye Pa sütsa no ayeghi süküghüthae, ikemu itehi ye Pa no piqhivae, “I no itaghi ghuthu lakhi ayeghi likhi kumono atsütsü ghi süküghütha nani.”

Piyeküsü 11:19

Tileno kungugha lo Alhou chineki khaqhi eno tilehi Paw Puloshoqhi bohu akeu ithulu. Ikelo tsütsüküsü küvü no phaphashi, vekipighi igha, ayeghi no ilüuve no mürasü kuloghi ghuqhi thuve.

Piyeküsü 16:18

Tileno tsütsüpha kulouve, tsütsüküsü ghügha no vekipighi igha, eno ayeghi küghütha kije ipeghi, paküta keu yeghi küghütha kehu timi xülo titoi keu ye khilemu ighiju mphie.

Piyeküsü 20:11

Itaghi I no kükalakhü metsüghoike kije lakhi eno tipau lo Khuu iqa akeno ithulu. Atsütsü eno ayeghi ye Pa küa lono hauve no ithumlave.

SAMUEL ATUGHIU 14:15

Tile kichimamai keu no aghazü lo, aluza lo, eno timiqo gholo ighive. Ghüshimi mqo eno akilemi ghi thüthüshi, ayeghi no ithauve, eno tino shishe kichimamaive.