KUKAMI ATUGHIU 19:10 - Sumi Naga CL (Re-edited) Bible (BSI)

¹⁰ Pa no khochile, “Ni ye Ampeu, aqokitikhi Lhou ghenguno aküxü tsücheni. Kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

BAIBEL (BSI)

¹⁰ Pano khochile, “AMPEU Alhou akughushuu, niye olikhi oqe acheni. Ikemu Israilmi ye panongu puloshoqhi hu hephove, okumlla kiptia kubovea eno owu tungkupumi kumtsu pithi khave tsuae. Ilikhi vae eno panonguye nighi ipithiveniye kuto anie!”

KUKAMI ATUGHIU 19:10 Iomraidhean Croise

KUKAMI ATUGHIU 18:10

Ampeu o Lhou xü anike shiye eno kükaqha lakhi lomu I mpeu no I pelo o phuwu pemo keu kühae. Panongu no, ‘Pa ye hilau kühae,’ ipi aye, pa no kükaqha momu shiye tipaqo pelo no ithumla kepi ashoqhi shipe.

KUKAMI ATUGHIU 18:17

Kughou Ahab no Elijah ithulu keno, pa no pi, “Hi ye no, Israel küküpnau keshea?”

KUKAMI ATUGHIU 18:20

Ikehu Ahab no Israelmi eno Baal tungkupmi kümtsü Carmel Toghi lo hekütsü.

KUKAMI ATUGHIU 18:22

Tileno Elijah no pi, “Ampeuw tungkupmi I likhivae, eno Baal tungkupmi ye 450 ani.

KUKAMI ATUGHIU 18:30

Tileno Elijah no timi kümtsü vilo pi, “I kupunu ighilo.” Kümtsü no pa kupunu ighi. Pa no Ampeu kümlla khache hephove aghi keqo shikitheve.

KUKAMI ATUGHIU 18:4

eno kughou Jezebel no Ampeuw tungkupmi heqhi akeno Obadiah no pano 100 sasü amqo kini shino atuki lo küsüve eno asho ngo azü pesü panongu loji.)

KUKAMI ATUGHIU 19:14

Pa no khochile, “Ni ye Ampeu aqokitikhi Lhou ghenguno aküxü tsücheni, kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 20:22

Tithiu tungkupu huno Israel kükau lau ighi no pi, “Ighilo, o shikumto lulo, eno nono kiu shimasa keno tsaqüi kughu lo, kughengu woche keu tsülü tusho lo Syria kükau ye o lenike ighi nani.”

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

KUKAMI ATUGHIU 22:8

Israel kükau no Jehoshaphat vilo pi, “Ampeu lau ighiju luni keu milakhi Imlah nu Micaiah aphi, ikemu ni ye pa mithie, kughengu pa ye alhoksa thono I ghenguno khilemu tungkuptsa akivi pitsü chemoe.” Jehoshaphat no pi. “Akükau ye tishi pikepu kumoe.”

KUKAMI AKINIU 10:16

Pa no pi, “I gholo ighilo eno I no Ampeu lau amlo tsüche keu julo.” Ikehu Jehu no pa paw khurkulu lono pa sasü wu.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

LESHELE 119:126

Ampeu, Nono mla kepu do ighivae, kughengu O yezah ye kubovae.

LESHELE 119:139

I xukighide no I pitipüzaqhi, kughengu I ghümi no O tsa kümsümave ke.

LESHELE 119:26

Kughou I no I laghiqo O vilo pi keno, Nono I khochile tsüe; O yezah I shika piyelo!

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

LESHELE 78:37

Panongu mlo ye Pa lau akumto shimoe; panongu ye Paw puloshoqhi lo pükhükulu shimove.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 34:14

(kughengu nongu ye alhou kütau mllamo nani, kughengu Ampeu, khuu je Anhekushu keno, Pa ye anhekushu Lhou ke),

ISAIAH 49:4

Ikemu I no pi, “Ni ye adou lono aghimeshi mlaithavae; ni ye adou eno akiqi kühakeu lono I küka puwovae, ikeghi mtsüqheino I chipiu ye Ampeu gholo ani, eno I saxü ye I Mpeu gholo ani.”

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

JEREMIYA 36:26

Akükau no kükapuu Jerahmeel, Azriel nu Seraiah, eno Abdeel nu Shelemiah pelo akiyeu Baruch eno tungkupu Jeremiah küghaluve penike azah tsü, ikemu Ampeu no pama küsüve.

HOSIYA 5:11

Ephraim no niqhinilai keu pape niye pükapütsa kehu pa ye nedaqoda keu xakütha lono chunudaqhi ani.

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

AKIKIHI 25:11

“Phinehas no kiu shikeno tipau ghenguno Ni ye Israelmi shou aloghu idemovae. Pa ghi I no amlo kilimo no timiqo lau müamzü keu ithi ani, eno tino Israelmi kütsani keu lono I süchile luve.

AKIKIHI 25:13

tino pa eno pa limi pesü pülhapuju lo achinemi shiche peni keu puloshoqhi shivae, kughengu pa ye pa lhou ghenguno müamzü shi, eno Israelmi ghenguno lochile tsüke.’”

John 2:17

Pa khopemi no ishi yepüa keu kümsülu: “O ki ghenguno alokümsü shikeu no I pitipüza nani.”

ZAKINIU 31:16

Ampeu no Moses vilo pi, “No ye o puasüqo gholo züuveni keu do tovae. Tithiu timi hipaqo ye panongu no iloche keu yeghi lo I milive no inami lhouqo mllauve nani, eno I no pano sasü puloshoqhi shikeu kubove nani.

IBRIMI 11:37

Atu pesü panongu veqhi, amta lono xapho kini shive, azütakikihi no ghiqhive. Panongu ye ambe ngo ane yiko pepusü itsüche, aqüagha, shikighime, peitha püsa,