KUKAMI ATUGHIU 18:12 - Sumi Naga CL (Re-edited) Bible (BSI)

¹² I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

BAIBEL (BSI)

¹² Tsala AMPEU ghunguno ino piwuveke dolono oxapusu a-a kumthalo wuve aghi aye, ino Ahab vilo noye hilehi ani ipi puzu pano ophuju puhave aye paye mutsuqheino iheqhi pithive nani. Niye itilono AMPEU mllasusu xu ithughivekemi ipi kumsulu masae.

KUKAMI ATUGHIU 18:12 Iomraidhean Croise

KUKAMI ATUGHIU 18:11

Ikelo itehi nono piani, ‘Wuno o mpeu vilo pilo, “Elijah hilau ani.”’

KUKAMI AKINIU 2:11

Pama no küptsa cheke lono paikhavi ami khurkulu ngo ami khurshi no pama kije kütüta shivetsü. Eno Elijah ye miyitsü lono kungugha lo ikuve.

KUKAMI AKINIU 2:16

Panongu no pa vilo pi, “Julo, hile o qemiqo akumtomi lhopungu ani. Kimiyeno panongu pelo wuno o mpeu phuwu pelo. Ampeu ghungu no pa xapuwo khileala naghuto momu akhila lo qhipüaghi luvike.” Elisha no khochile, “Puwu kevilo.”

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

LESHELE 71:5

Kughengu, O Ampeu, No ye Iw lajupu, I lhothe lono I no pükhü chekeu ke, O Ampeu.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

YETSAPIU 7:18

Hipau tsüqü luve keu no o ghenguno alo, eno lakhiu ghi pheve kepu kumoe. Kughengu khuu no Alhou sümsani keno, pa ye ti küma kinikujo lono pojolu nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

EZEKEL 11:24

Alhou Ghungu huno I süqhe luve eno kungunhetsü lono I sasü Chaldea lo haphe sawuve kemi gholo ighive. Tishino kungunhetsü khikhi I no ithulu keno tino I zülono kunguu ikuve.

EZEKEL 37:1

Ampeu u no I shou ae, eno Pa no Ampeu Ghungu vecheo I sasü akhila mta lo qhive; ti ye asaghi no chhitoi ae.

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

MATTHEW 4:1

Tishino Jisü ye ghukujuu pelo ghukeju penike Aghungu Kimthe no sasü timi yenguyi ke-a lo wuve.

Luke 1:15

kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

Apostolmi 12:19

Kughou Herod no Peter phuju püzü phumlave keno, pa no aghukhemi kighiniju no panoqo pithive penike azah tsüve. Tithiu Herod ye Judea lono Caesarea lo iqive eno tilau ache.

Apostolmi 8:39

Kughou pama no azü lono ipeghi keno, Ampeu Ghungu no Philip sawuve, eno shoko huye pa ithumlave kemu alokivi shi cheve.

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

SAMUEL ATUGHIU 16:2

Samuel no pi, “Ni ye kishino wuni kea? Saul no chiluve aye, I heqhive nani.” Ampeu no pi, “Amshiti lakhi o gholo pewu no pilo, ‘Ni ye Ampeu lau aghakishi tsüniye ighi ani.’

SAMUEL ATUGHIU 2:18

Samuel no achinemi phimini pepuve no itimi lakhi shi Ampeu zülo achinemi kümla shiche.

SAMUEL ATUGHIU 2:26

Anu Samuel ye Ampeu zülo eno timi zülo ghi aphimpi kuchopu thuwuve.