KUKAMI ATUGHIU 17:1 - Sumi Naga CL (Re-edited) Bible (BSI)

¹ Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

BAIBEL (BSI)

¹ Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

KUKAMI ATUGHIU 17:1 Iomraidhean Croise

KUKAMI ATUGHIU 17:12

Li no khochile, “Ampeu o Lhou je lono pi anike ni ye asho kunuve keu kühae, ikemu ashomkhu au kichhi lakhi ani eno thazü kitila abohu lo ani. Itehi ni ye asü kichepe ilo no I nu nikujo ghenguno kutope chuve no tithiu ye thiniae.”

KUKAMI ATUGHIU 17:2

Tileno Ampeu tsa pa lau ighi:

KUKAMI ATUGHIU 18:1

Atsala kutomo thiu ampe aküthüu lono Ampeu no Elijah vilo pi, “Ahab zülo wulo eno I no tsütsüghu puwu tsüni.”

KUKAMI ATUGHIU 18:10

Ampeu o Lhou xü anike shiye eno kükaqha lakhi lomu I mpeu no I pelo o phuwu pemo keu kühae. Panongu no, ‘Pa ye hilau kühae,’ ipi aye, pa no kükaqha momu shiye tipaqo pelo no ithumla kepi ashoqhi shipe.

KUKAMI ATUGHIU 18:15

Elijah no pi, “Ampeu xü ani eno I no Pa qe acheni ke ni ye kuchou no ishi ye ni ampi pesü pa piyeni.”

KUKAMI ATUGHIU 22:14

Ikemu Micaiah no pi, “Ampeu xü anike Pa no kiu I vilo pi keno ni ye ti pi nani.”

KUKAMI ATUGHIU 8:35

“Ow timiqo no O zülo axine shive kehu atsütsü lakhave tsüno tsüghu move aye, eno panongu no axine lono ideighi no a-a hipau küdau juno inikhu no O je kulu aye,

KUKAMI AKINIU 1:3

Ikemu AMPEUw kungumi no Tishbe lono ighikeu tungkupu Elijah vilo pi, “Ithulo eno akükau Ahaziah ghinimi sasü kusholo, eno panongu vilo pilo, ‘Israel lo Alhou kühave akesheno nongu ye Ekron lhou Baal-zebub kushoni ye wu cheni kea?

KUKAMI AKINIU 3:14

Elisha no khochile, “Aqokitikhi MPEU xüani ke eno I no huthu achekeu je lono piqhi ani, Judah kükau Jehoshaphat aghi moke aye, ni ye nongu küdau mu jutsüni chemo momu pütsani chemoe.

KUKAMI AKINIU 4:38

Kughou aghakhu lo püqümiye akeno, Elisha no Gilgal lo ighi. Tungkupmi loji no pa zülo iqa akelo, pa no pa qeu vilo pi, “Ali kije lono akulhozü shipe panongu piyelo.”

KUKAMI AKINIU 5:16

Elisha no khochile, “Ampeu xüküau zülo I no puthugho anike ni ye kiumu lumoe.” Naaman no tsüikhomo pa tsü kemu pa no milive.

KUKAMI AKINIU 5:20

Alhou timi Elisha qeu Gehazi no pi, “Hi julo, I mpeu no Syriami Naaman hipau no peighi keu kiumu lumono pa püxüvae. Ampeu xüani ke I no pa hasü wuno pa launo kiuala mu luveni.”

YEKIKITHI AKINIU 21:12

Elijah tungkupu no Jehoram lau yesü lakhi hitoi tsü puwu: “Ampeu o sü David Lhou no ishi piani, nono o pu Jehoshaphat la lo chemo momu Judah kükau Asa la lo chemove kehu,

YEKIKITHI AKINIU 6:26

“Kughou panongu no O zülo axine shive kehu atsütsü lono tsütsüghu lakhave, eno Nono panongu ghime kehu panongu no pano xine lono ideighini keno, panongu no a-a hipau lono akighini shi aye, eno O je kulu aye,

JOB 12:15

Pa no azü khatha luve aye, ayeghi ye qhaive cheni, Pa no phepuwuve aye tino ayeghi yimive cheni.

ISAIAH 49:18

Nongu nhethi tsükhope julo; panongu kümtsü kumqo ani eno nongu lau cheni. Ampeu no piani, ‘I no xüake toi, nongu no hupaqo kümtsü tünatunu pu akeshi pepu nani; külaliu no li chila tshüpu keshi nongu no tshüpu nani.

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

JEREMIYA 28:8

Khaghi tungkupmi o züumi eno I züumi tungkuptsa piche kemi no aghakhu kutomo eno kükaqhaqo shou aghükishi, akhüava, eno püsa ighini keu kütüghü ke.

HAGAYI 1:10

Tighenguno nongu sholo atsütsü no atsüzü süchilevae, eno ayeghi no pithilu pemovae.

MATTHEW 11:14

eno nongu no tipaqo tsape ikhilu aye, John huno ighi nanie piche keu Elijah ke.

MATTHEW 16:14

Panongu no pi, “Khami no Baptiz kishiu John ipi cheni, khami no Elijah ipi cheni, kütami khami no Jeremiah momu tungkupmi lakhi ipi cheni.”

MATTHEW 27:47

Tile puthugho akemi khami no ti chilu no pi, “Pa ye Elijah ku anie.”

MATTHEW 27:49

Ikemu kütami no pi, “Qele, Elijah no ighi püzü pa xaluni mala junie.”

MATTHEW 7:29

kughengu Ayezah pesü panoqo kütsü chekemi toi mono pa ye kükagha akemi toi panoqo kütsü ke.

Luke 1:17

Pa no Elijah nguagha eno küka lono apuaza pelo atianuli lau tsüghü ighi, eno hekibidemi pelo amikuchomi laghi lo ighi penike Ampeu züuno wu nani, tishikeu lono Ampeu ghenguno timiqo kutope qhitsü nani.”

Luke 1:19

Kungumi huno pa khochile, “Ni ye khuu Alhou zülo puthugho cheni keno, Gabriel huke, eno atsakiviu hipau pesü o lau süghi no o pütsa penike I puwue.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Luke 9:30

Eno julo, timi kini, Moses ngo Elijah no pa gholo küptsa aghi,

Luke 9:33

Pama no Jisü launo wuve chekelo Peter no Jisü vilo pi, “Ampeu, ningu no hile aghi keu ye alovae. Ningu apusho küthü tshüni nolo, lakhi no o sala, eno Moses ngo Elijah ghenguno lakhikhi,” pa ye kiu pi akeno ithimoe.

Luke 9:54

Kughou pa khopemi James ngo John no ti ithi keno, pama no pi, “Ampeu, panoqo piti kepu mi nino atsütsü lono ghuqhi tsülopi khunike no ye pulo anima?”

John 1:21

“Imaye no ye khuu kea? Elijah keshea?” ipi panongu no ighiju. Pa no pi. “Ni ye kumoe.” “No ye Tungkupu hu keshea?” pa no pi, “Moe.”

John 1:25

Panongu no John ighiju, “Nono Khristo mu kumo, Elijah momu Tungkupu mu kumo aye, no ye kushiye baptiz shicheni kea?”

Apostolmi 27:23

Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Rommi 11:2

Alhou ye Paw timi khunoqo Pa no azünatha ghi ithi akeno tipaqo kileve mphi. Nongu ye Kuchoyesü lo Elijah ghili kiu pi püani, kishi pa no Israelmi lachile Alhou lau muchho keno mtha keshea?

ZAKINIU 10:8

Tipa ghuloki lono Ampeu no Levi laghami pelo Paw Puloshoqhi bohu pe penike, Pa huthu, eno Pa je sheqhe penike kishe kütüta shie. Ti ye ishi kutolo tishi chephie.

James 5:17

Elijah ye ningu lhoaye toi kemi, ikemu pa no tsüghu pemo nike amlo tsüqhiyi inikhu kelo ampe küthü no aqhi tsügho ayeghi lo ghuqhi move.

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.

XAKUTHAMI 12:4

Tile Jephthah no Gilead lo küami kümtsü kukütsü no Ephraimmi sasü aghüshi. Eno panongu no Ephraimmi heqhi, kughengu tipaqo no pike, “Nongu Ephraim ngo Manasseh dolo küghüna chekemi Gileadmi, nongu ye Ephraim ghakhu lo kupokichemi ke.”