KUKAMI ATUGHIU 13:1 - Sumi Naga CL (Re-edited) Bible (BSI)

¹ Ampeu tsa vecheo Judah lono Alhou timi lakhi Bethel lo ighi. Jeroboam ye akümlla-khache lo akümllagho tsüniye puthugho ae.

BAIBEL (BSI)

¹ AMPEU zah kutsu lono Juda lono tungkupumi lakhi Bethel lo wuve eno Jeroboam no akumlla gho tsu niye puthugho ake lono ighilu.

KUKAMI ATUGHIU 13:1 Iomraidhean Croise

KUKAMI ATUGHIU 12:22

Ikemu Alhou tsa no Alhou timi Shemaiah lau ishi ighi:

KUKAMI ATUGHIU 13:26

Kughou amchou tungkupu no ti chilu keno pa no pi, “Hi ye Alhou timi Ampeu tsa hebideve keue; ikehu Ampeu no pikeu kiqi lono abongshuu pelo heqhive peae.”

KUKAMI ATUGHIU 13:32

Kughengu Ampeu tsa vecheo pa no Bethel lo akümlla-khache ngo Samaria lo mishighünaqo lo qhemghai ke-a akeqo lau müsüini püakeu kümtsü shikupu nani.

KUKAMI ATUGHIU 13:5

Ampeu tsa vecheo Alhou timi no pikeu kiqi lono akiptia ye hephove eno ayevu ye kutholeve.

KUKAMI ATUGHIU 13:9

kughengu Ampeu tsa no hitoi azah I tsü püani, ‘No ye asho mu chukevi, azü mu yekevi, eno nono ighike laghi lono idewo kevilo.’”

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

KUKAMI AKINIU 23:15

Tinguno alau, Nebat nu Jeroboam khuu no Israel pelo axine shivepe keno, pa no Bethel lo akümlla-khache shiqhe keu Josiah no kütsalepe pitive tsü. Pa no Asherah ghi pitive tsüe.

KUKAMI AKINIU 23:17

Tishino pa no pi, “Hu athigho I no ithulu akeu ye kiu kea?” Mishighüna lo timiqo no pa vilo pi, “Hu ye Alhou timi khuu Judah lono ighi no nono Bethel lo akümlla-khache kütsave keu vehu pichho püa keno, pa kumona ke.”

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

YEKIKITHI AKINIU 26:18

eno panongu no akükau Uzziah lachile no pa vilo pi, “Uzziah, tsüngqüi keu kipti pesü Ampeu tsüni keu ye o kümla kumoe, ti ye achinemi Aaron nuli pelo shipenike süsü püani. Akimthe-a lono ipeve lo, kughengu no ye akumou shivae eno hi shikeu lono Ampeu Alhou launo kiumu agigihupu ithumla nani.”

YEKIKITHI AKINIU 9:29

Solomon no kütau kiu mla keno, hukuthu lono ashekha kutolo, tungkupu Nathan xülhe, Shilohmi Ahijah tungkuptsa, eno Nebat nu Jeroboam ghenguno Iddow kungunhetsü lo yepüani ke kumo keshea?

JEREMIYA 11:12

Tileno Judah lo mishighünaqo eno Jerusalem lo küxümi no pano kümllagho tsü chekeu lhou lau ighamku nani, ikemu pano veküsa ghuloki lo tipaqo ye pano xalumo nani.

JEREMIYA 25:3

“Amon nu Judah kükau Josiah yepe mpe chighiaküthüu lono ishi kutolo ampe muku küthü shi akelono Ampeu tsa I lau ighi, eno ni ye tamo mithe nongu vilo pivae, ikemu nongu no inimoe.

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

AMUS 7:13

ikemu khilemu Bethel lo tungkuptsa pi kevilo, kughengu ti ye akükau kümllaki eno kükaqha chineki ke.”

AMUS 7:16

Tighenguno itehi Ampeu tsa inilo. “Nongu no, ‘Israel shou tungkuptsa pi kevilo, eno Isaac shiaye lau kütsü wu kevilo’ ipike.

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

AKIKIHI 16:40

eno tino Israelmi lau amchipu shiche pelo; ti ye Aaron kughuko kumo aye, ashoumi ye khumu axokütsüngü piti nike Ampeu zülo ighimlae ipikeu kiqi shipelo tikumo aye, Korah ngo paw timiqo toi kütsave nani, hi ye Ampeu no Moses vecheo Eleazar vilo pi keu ke.

1 Thes. 4:15

Kughengu Ampeu launo ighikeu tsa pesü nino nongu lau hi sheshu ani, ike ningu khunoqo Ampeu ikighi tsala lo thimono xü aghini keno, ningu ye thive keqo züiqeve nike kumoe.

Piyeküsü 8:3

Kungumi kütau lakhi no ameshoyi kiptibo peighi no akiptia lo puthughove, pa pelo kükalakhü zülo ameshoyi kiptia lono küpülümi kümtsü kighini süküqha no mlla penike müsüghüta kutomo pesü pa tsüpüa,

SAMUEL ATUGHIU 2:27

Alhouw timi lakhi no Eli lau ighi no pa vilo pi, “Ampeu no ishi piani, ‘Kughou nongu puasüqo no Egypt lo Pharaoh kibolomi qholo ache keno mtsüqheino I no I kutoshino o pu lau ipeghi kekumo keshea?

SAMUEL ATUGHIU 9:6

Ikemu pa no pi, “Julo, mishighüna hipau lo Alhou timi lakhi ani, eno pa ye agigihu akemi; pa no pikeu kümtsü kuchou shive cheni. Tighenguno itehi nikujo tilau wuni. Nikujo no wukepu laghi pa no kichepiye luvike.”