KUKAMI ATUGHIU 12:16 - Sumi Naga CL (Re-edited) Bible (BSI)

¹⁶ Kughou akükau no Israelmi kümtsü tsa initsü move keu ithive keno, panongu no pa khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo wovelo! David, o lagha julo.” Ikehu Israelmi no pütüta pusho lo wove.

BAIBEL (BSI)

¹⁶ Kughou timiqono akukauno panongu tsa initsumove keu ithive keno panonguno ighamuku pi, “David eno pa laghaqo ikiqivelo! Panonguye ningu ghenguno kiu mlatsukya? Israilmiqo, ningu akilo idewoveni kholo! Rehoboam pelo pa likhi paju auvepelo!” Tishino Israilmiye hekibide huthuve,

KUKAMI ATUGHIU 12:16 Iomraidhean Croise

SAMUEL AKINIU 15:13

Atsapemi lakhi no David lau ighi no pi, “Israelmi ye Absalom pape wuvae.”

SAMUEL AKINIU 16:11

David no Abishai eno pa qemi kümtsü vilo pi, “Julo, I nu thotsü I küxü phucheni aye itehi Benjaminmi hipau ye tinguno alau shinani thono! Pa lokutove lo, pa pelo ghusho apelo, kughengu Ampeu no pa vilo tishilo pike.

SAMUEL AKINIU 20:1

Tipa ghuloki lo ameküküha timi lakhi ache, pa je ye Sheba, Bikhri nu, Benjaminmi. Pa no afuko küigha no pi, “Ningu ye David gholo asaje kühae, eno Jesse nu gholo amheghi kühae; kümtsü no aki lo wovelo, O Israel!”

KUKAMI ATUGHIU 11:11

Tighenguno Ampeu no Solomon vilo pi, “Nono hitoi xüuve no Iw puloshoqhi ngo pimheyeqo pemove akeke I no kükaqha kubove tsüno o qeu tsüveni.

KUKAMI ATUGHIU 11:13

Tishimu Ni ye kükaqha kubove tsümo nani, ikemu I qeu David eno I no kishelu keu Jerusalem phughi ghenguno I no ashiaye lakhi pesü o nu tsü nani.”

KUKAMI ATUGHIU 11:34

Ikeghi ni ye Solomon launo kükaqha kupuju lutsü mono pa no xüake tivilo pa pelo kape nani. Hi ye I qeu David, I no kishelu keu eno I zakütsü eno I yezahqo pelu keu ghenguno ke.

KUKAMI ATUGHIU 11:35

Ikemu I no pa nu u lono kükaqha luvetsü no ashiaye chighi pesü o tsüveni.

KUKAMI ATUGHIU 11:36

Eno pa nu lau I no ashiaye lakhi tsüni, tishikeu lono I qeu David kuluqhe ye I no I je ghenguno kishelu keu phughi Jerusalem lo I zülo ache penie.

KUKAMI ATUGHIU 11:39

Solomon xine ghenguno I no David kughukomi aghime tsünani, ikemu alholo ghenguno kumoe.’”

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

KUKAMI ATUGHIU 22:36

Khetsünhe iloche kelo asütsa hipau no ghüshimi gholo veküphave, “Timi kümtsü pütüta ghakhu eno pütüta phughi lo idewove lo!”

YEKIKITHI AKINIU 10:16

Kughou Israelmi kümtsü no akükau no panongu tsa initsü move keu ithive keno, panongu no akükau khochile, “David launo ni saje kiu ani kea? Ningu ye Jesse nu launo amheghi kiumu kühae. O Israel, pütüta pusho lo idewove lo! O David, o kibo julo.” Tishino Israelmi ye pütüta pusho lo wove.

LESHELE 132:17

I no tile David ghenguno akibo lakhi mini ipeghipe nani; Iw nukikishe ghenguno akulu lakhi I no kutope qhivae.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

ISAIAH 7:17

Ephraim no Judah launo kütüta shive kethiu khilemu sholu mphi keu tüqhüdo lakhi Ampeu no no eno ow timi ngo o laghami shou süghitsü nani, ti ye Assyria kükau ke!”

ISAIAH 7:2

Kughou “Syria ye Ephraim sasü visho shipe ani,” ipi David laghami Ahaz vilo pi keno, pa ngo paw timiqo mlo ye amülhü no aghasü lo asüboqo fukini keshi khokho shive.

JEREMIYA 33:21

I qeu David sasü, eno Levi chinemi I zülo hukuthumi sasü I no puloshoqhi shi püakeu ghi hepho luve nani, tishianguno David ye pa kükalakhü lo ayepeni kemi kühave nani.

EZEKEL 37:16

“Timi nu, asüta lakhi ikhipe tipau shou yepukulo, ‘Judah eno pa sasü kütshükime akeu Israelmi ghenguno’; tishino asüta kütau ikhipe tipau shou yepukulo, ‘Joseph (Ephraim süta) eno Israel kibolomi pa sasü kütshükime akemi kümtsü ghenguno.’

Mark 3:24

Kükaqha lakhi dolono laumi shi kijethave aye, kükaqha tipau ye puthugho lumoae.

Luke 19:14

Ikemu pa ghakhumi no pa mithi chekehu aghinimi khami pa thiu no puwu no atsape ishi tsü, ‘Ningu ye timi hipau pelo ni shou ayepe penishi amoe.’

Luke 19:27

Eno I ghümi ghengu ye, khunono I pelo pano yepeu shipenishi mono akeno, hile saghi no I zülono ghiqhivelo.’”

John 13:8

Peter no pa vilo pi, “No ye khilemu I pukhu qhumo nani.” Jisü no pa khochile, “I no o pukhu qhutsümo aye, no ye I gholo kuloji amoe.”

XAKUTHAMI 8:35

Eno Jerubbaal (ti ye Gideon) no Israelmi lau akümla kivi kutomo shitsü keu theli lo, panongu ye pa kibolomi lau ghi kiumu iqemokeu kikimiye piyemoe.

XAKUTHAMI 9:28

Ebed nu Gaal no pi, “Abimelek ye khuu eno ningu Shechemmi ye khuue pi ningu ye kushiye pa qeni kea? Pa ye Jerubbaal nu, eno pa qholo kijemi huno Zebul ke kumo? Shechem papu Hamor timiqo qeni thono kushiye ningu ye Abimelek qemasa kea?