KUKAMI ATUGHIU 11:4 - Sumi Naga CL (Re-edited) Bible (BSI)

⁴ Pa no muchomi shiuve kelo pa nipuqo no pa sasü kütau lhouqo lau wuve, eno pa pu David no amlo kuchopu Ampeu pa Lhou tsüche ketoi, pa ye tishi move.

BAIBEL (BSI)

⁴ pano muchomi shiwuve keuloye pa pelono inami lhou mlauvepeke. Paye pa Lhou AMPEU lau papu David toimoveno amikucho shimoveke.

KUKAMI ATUGHIU 11:4 Iomraidhean Croise

KUKAMI ATUGHIU 11:2

shiye hipaqo ghenguno Ampeu no Israelmi vilo ishi pi püake, “Nongu ye panongu sasü külakupu shimoni, panongu ghi nongu sasü küla moni, kughengu panongu no mtsüqheino nongu mlo züiza pano lhou lau wuve nani.” Solomon no hipaqo kimiyeuve.

KUKAMI ATUGHIU 11:33

kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

KUKAMI ATUGHIU 11:38

Tsala I qeu David toi I no azah tsükeu chilu no I laghi lo cheche aye, eno I zülo kiu no achipi keno tishi aye, I no O gholo anani eno David kümghatsü ketoi I no O lagha shikumto no Israel pesü o tsünani.

KUKAMI ATUGHIU 11:42

Solomon no Jerusalem lono Israel kümtsü shou ayepe keu mpe ye lhobidi.

KUKAMI ATUGHIU 11:6

Pa pu David toi mono Solomon ye Ampeu zülo xine shiuve eno amlo kuchopu no Ampeu pape move.

KUKAMI ATUGHIU 11:9

Ampeu no Solomon shou amlo ideve, kughengu pa no ghuthu kini Ampeu, Israel Lhou khuu pa zülo ipeghi keno, Pa launo tsüghüve.

KUKAMI ATUGHIU 14:21

Solomon nu Rehoboam ye apunu mpe lhobidi lakhi lono Judah lo ayepe thu eno Jerusalem lono ampe chighitsüni ayepe. Jerusalem ye Ampeu no Pa je ghenguno Israel shiaye kümtsü dolono kishelu keu phughi. Rehoboam pa za ye Ammonmi Naamah.

KUKAMI ATUGHIU 15:14

Ikemu qhemghai ke-aqo ye ikhimoe. Ikeghi Asa ye pa küxü tivilo Ampeu lau aghokulu shie.

KUKAMI ATUGHIU 15:3

Pa sü David toimo no pa pu toi axine kümla kümtsü pa no shi, eno pa mlo kuchopu pesü Ampeu pa Lhou tsümoe.

KUKAMI ATUGHIU 3:3

Solomon no Ampeu kimiye eno papu David pimheyeqo papeche, ikemu pa ye qhemghaike-a lono aghashipe mlla che.

KUKAMI ATUGHIU 6:1

Israelmi no Egypt lono ipeghi keu ampe 480 shi akelono, eno Solomon no Israel shou ayepe keu mpe abidiu, aqhi akiniu, ti ye Ziv qhi, lono pa no Ampeu chineki shithu.

KUKAMI ATUGHIU 8:61

Tighenguno nongu mlo kümtsü pesü Ampeu Alhou tsülo, Pa yezah kiqi lono xülo eno Pa zakütsü ishi tsala lo pelu aketoi papelo.”

KUKAMI ATUGHIU 9:10

Solomon no ampe muku lono achineki ngo kükaki shiqhilu,

KUKAMI ATUGHIU 9:4

Itehi ye nono o pu David toi akikhi eno amikucho lono I zülo cheche aye, eno I no azah tsükeu kümtsü pelu aye,

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI ATUGHIU 29:19

I nu Solomon pelo amlo tsüqhiyi O zakütsü eno ayezah kümtsü pekupulu pelo, tishianguno aki khipau shinike I no kutope qhivetsü akeno, pa pelo ti shiqhilu penike pulo tsülo.”

YEKIKITHI AKINIU 17:3

Ampeu no Jehoshaphat gholo ae, kughengu pa no pasü David yepe bothu lo toi shike. Pa ye Baal mllamoe,

YEKIKITHI AKINIU 25:2

Pa ye kiu no Ampeu zülo achipi keno shike, ikemu amlo kuchopu no kumoe.

YEKIKITHI AKINIU 34:2

Pa ye Ampeu zülo kiu no achipi keno shike eno pa sü David no shikeu thokha shino piyiumu ajeumu tsüghü wuve moe.

IPEKULU 20:3

“I zülo nongu ye alhouqo kütau mlla moni.

ZAKINIU 17:17

Pa mlo tsüghüsü wuve nosake pa ye anipu kutomo lumoni, eno pa sala ameshoyi ngo ghükayi akumou shi hekütsü moni.

ZAKINIU 7:4

kughengu panongu no pano lhou mlla peniye I launo no nuli sawuve tsü nanike. Tileno Ampeu mlo kighide nongu shou ikughi nani eno Pa no paikhavi no nongu kütsave nani.