KUKAMI ATUGHIU 10:24 - Sumi Naga CL (Re-edited) Bible (BSI)

²⁴ Ayeghi kümtsü lono Alhou no pa mlo lo sütsü keu lokütsü inini ke ighiche.

BAIBEL (BSI)

²⁴ ikehu ayeghiqha kumtsu lono ighino Alhou no pa tsukeu lokutsu ghili iniju anishiche.

KUKAMI ATUGHIU 10:24 Iomraidhean Croise

KUKAMI ATUGHIU 10:1

Kughou Sheba kükaliu no Solomon jekipi eno Ampeu sasü kütshükime chekeu chilu keno, li no kushokütsü ighikuju tsa pesü pa pejuni ke ighi.

KUKAMI ATUGHIU 3:12

julo, I no o tsa kiqi lono shitsüni. I no alokütsü eno kimchi kulupu o tsüni, eno o züu o thiu khunomu o toi ipeghimo nani.

KUKAMI ATUGHIU 3:28

Israelmi kümtsü no akükauw xakütha hipau chilu no agigihu pa tsü, kughengu pa ye achipiu shinike Alhou lokütsü pa lolo anipi panongu no ithive.

KUKAMI ATUGHIU 3:9

Tighenguno timiqo shou achipiu eno kiviküsa kimchilu no ayepelu penike alokütsü I tsülo. Tishimo aye ow timi hijeje shou khuu no ayepe luni kea?”

YEKIKITHI AKINIU 1:11

Alhou no Solomon khochile, “Hino o mlo lo akehu no ye amheghi, akini, ajekipi, o mithi kemi küxü, momu axükushu khumoe, ikemu timi khunoqo shou I no o pelo akükau shipe keno tipaqo shou ayepe nike nono alokütsü eno akighithi khuke ghenguno,

YEKIKITHI AKINIU 1:12

alokütsü eno akighithi ye o tsüvae. Itaghi I no küakini, amheghi, eno ajekipi o tsüni, ti ye o züu kükami khunomu ithulu püamo eno o thiumu khunomu ithulumo nani.”

AHOLE 2:6

Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

EZEKEL 16:14

O jukivi ghenguno o jekipi ye shiyeqo dolo veküpha wove, kughengu ti ye I no o shou jukighilepu shi pukutsü keu vecheo kupukülailu kepi Ampeu Alhou no asheshu.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

James 1:5

Nongu gholo khami no alokütsü mikhe aghi aye, pa ye Alhou lau khulo eno ti pa tsü nani; kughengu Alhou ye khumu sakiyi mono kümtsü tsü cheni.