KUKAMI ATUGHIU 1:34 - Sumi Naga CL (Re-edited) Bible (BSI)

³⁴ Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

BAIBEL (BSI)

³⁴ tileno Zadok achineu eno Nathan tungkupuu pama pelo teli pe nu tsuno Israilmi kumtsu shou akukau shipenikeu shipelo; afuko ighano ishi pilo, ‘Solomon akukau axupushulu pelo!’

KUKAMI ATUGHIU 1:34 Iomraidhean Croise

SAMUEL AKINIU 15:10

Ikemu Absalom no Israel lo ashiaye kümtsü lau tuqhou tsapemi puwu no pi, “Nongu no afuko ghügha chilu kemtsa pilo, ‘Absalom no Hebron lo akükaue!’”

SAMUEL AKINIU 2:4

Judah timi no ighi eno tilau panongu no David pesü Judah shiaye shou akükau shi nukisheve. Kughou panongu no David vilo, “Jabesh-gilead lo timiqo no Saul kumo shiqhovae,” ipi keno,

SAMUEL AKINIU 5:3

Tighenguno Israel lo layemi kümtsü Hebron lo akükau lau ighi, eno David no Ampeu zülono panongu sasü puloshoqhi lakhi Hebron lono shi, eno panongu no Israel kükau shi David nukishe luve.

KUKAMI ATUGHIU 1:25

Kughengu ishi tsala lono pa ye amshitsü, athakupu mishiti, eno ambe kutomo pesü aghashi no o nuli kümtsü, ghüshimi zatsüu Joab, eno achineu Abiathar kusü ani. Eno panongu no alokivishi pa sasü aghulhu shino, ‘Akükau Adonijah, axüshu peniu!’ ipi igha ani.

KUKAMI ATUGHIU 1:35

Nongu no pa thiu shino ighini, eno pa no I kükalakhü lo iqaveni, kughengu pa no I-a lo akükau shiniae. I no pa pesü Israel ngo Judah yepeu shi penike süsüvae.”

KUKAMI ATUGHIU 1:39

Tileno Zadok no thazü pesü aphiki lono Solomon nukisheve. Tishino panongu no afuko igha, eno timi kümtsü no pi, “Akükau Solomon axüpushu lo!”

KUKAMI ATUGHIU 19:16

Eno Nimshi nu Jehu pelo Israelmi kükau shipenike nukishe lo, Abel-meholahmi Shaphat nu Elisha pelo o züqhulo tungkupu shipenike nukishe lo.

KUKAMI AKINIU 11:12

Tishino Jehoiada no akükau nu saipeghi no aküka kütsükuqho pa pipe eno ashepe pa tsü. Panongu no pa pesü akükau kepi shuphe eno nukisheve, tishino panongu no au kukhu ishi pi, “Akükau axüshu peniu!”

KUKAMI AKINIU 11:14

Li no jukelo akükau ye akhuaye kiqi lono atsükucho phivilo puthugho aghi, eno keptenqo, afuko küighami ngo timi kümtsü no alokivi shi igha no afuko igha aghi. Athaliah no li phi süxüve no ighamku, “Pishikiqhi! Pishikiqhi!”

KUKAMI AKINIU 9:13

Ikelo tile timi kümtsü no mtazü pano phiküzü xape pa pukhu lo qhatsü, eno no afuko igha sheshu, “Jehu no Akükau shivae.”

KUKAMI AKINIU 9:3

Tishino thazü külabo pesü pa kütsü lo lepuku no pilo, ‘Ampeu no ishi piani, I no o pesü Israel kükau shi nukishe ani.’ Tishino ahukikha khaqhi no mtazü ngomo no povelo.”

KUKAMI AKINIU 9:6

Ikehu pa no ithu no aki lo ilove. Alhotheu no thazü pesü pa kütsü lo lepuku tsüno pi, “Ampeu, Israel Lhou no ishi piani, I no o pesü AMPEUw timi, Israelmi shou akükau shi nukishe ani.

YEKIKITHI AKINIU 23:11

Tishino panongu no akükau nu saipeghi no akütsükuqho pa pipe eno ashepe pa tsü. Panongu no pa pesü akükau kepi sheshu, eno Jehoiada ngo pa nuli no pa nukisheve, tishino panongu no pi, “Akükau axüshu peniu!”

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

LESHELE 89:20

I no I qeu David ithulue; thazü kimthe pesü I no pa nukishevae,

LESHELE 89:36

Pa tikughuko ye alholo ache nani khetsünhe ake tivilo pa kükalakhü ye I zülo anani.

ISAIAH 45:1

Ampeu no Paw nukikishe Cyrus vilo ishi piani, I no pa pelo shiyeqo qhasü penike pa u ajeu tsüqü luvae, kükami pokha xaluve tsü, pa zülo ahukikhaqo khaqhi tsü, eno khaghoqo khapemo nike pi:

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”

SAMUEL ATUGHIU 16:3

Aghakishi lo Jesse kusü lo, eno nono kiu shikepu keno I no o piyeni. I no khuu o lau shuphe tsüni keno nono I ghenguno pa nukisheni.”