KUKAMI ATUGHIU 1:25 - Sumi Naga CL (Re-edited) Bible (BSI)

²⁵ Kughengu ishi tsala lono pa ye amshitsü, athakupu mishiti, eno ambe kutomo pesü aghashi no o nuli kümtsü, ghüshimi zatsüu Joab, eno achineu Abiathar kusü ani. Eno panongu no alokivishi pa sasü aghulhu shino, ‘Akükau Adonijah, axüshu peniu!’ ipi igha ani.

BAIBEL (BSI)

²⁵ Kughengu ishi tsala lono paye amshitsu, bheri eno atha pubeyike mishiti kutomo heqhino aghakishi kumlla shi ani. Pano onuliqo, Joab owu ghushimi shou zahtsuu Abiathar achineu ishi kusuno itehi panonguye alokivishi pa sasu aghulhu shi ani eno ‘Akukau Adonija pelono axu shupeniu!’ ipi igha anie.

KUKAMI ATUGHIU 1:25 Iomraidhean Croise

SAMUEL AKINIU 16:16

Kughou David küsau Arkhimi Hushai no Absalom lau ighi keno, pa no Absalom vilo pi, “Akükau axüpushu lo! Akükau axüpushu lo!”

KUKAMI ATUGHIU 1:19

Pa no amshitsü, athakupu mishiti, eno ambe kutomo aghashipe akükau nuli kümtsü, achineu Abiathar, eno ghüshimi zatsüu Joab ishi aghulhu lo kusü, ikemu o nu Solomon ye kusümoe.

KUKAMI ATUGHIU 1:24

Nathan no pi, “I mpeu akükau, no ye, ‘Adonijah no I shelo ayepe nani eno I kükalakhü lo iqa nani,’ ipi keshea?

KUKAMI ATUGHIU 1:34

Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

KUKAMI ATUGHIU 1:39

Tileno Zadok no thazü pesü aphiki lono Solomon nukisheve. Tishino panongu no afuko igha, eno timi kümtsü no pi, “Akükau Solomon axüpushu lo!”

KUKAMI ATUGHIU 1:9

Ghulo lakhi Adonijah no ambe, amshitsü, eno athakupu mishiti heqhi no En-rogel phivilo Apighi Tuqu lono aghashi no pa thiküzümi, akükau nuli kümtsü, eno Judah lo akükauw hiyampemi kümtsü kusü,

KUKAMI ATUGHIU 2:15

Pa no pi, “Nono ithi anike kükaqha ye Iw shiae, eno Israelmi kümtsü no I no ayepe nani kepi huqhe akemu tutsüghüpe I thiküzüu saje shive, kughengu Ampeu no pa saje shive tsüe.

KUKAMI AKINIU 11:12

Tishino Jehoiada no akükau nu saipeghi no aküka kütsükuqho pa pipe eno ashepe pa tsü. Panongu no pa pesü akükau kepi shuphe eno nukisheve, tishino panongu no au kukhu ishi pi, “Akükau axüshu peniu!”

KUKAMI AKINIU 11:14

Li no jukelo akükau ye akhuaye kiqi lono atsükucho phivilo puthugho aghi, eno keptenqo, afuko küighami ngo timi kümtsü no alokivi shi igha no afuko igha aghi. Athaliah no li phi süxüve no ighamku, “Pishikiqhi! Pishikiqhi!”

KUKAMI AKINIU 9:13

Ikelo tile timi kümtsü no mtazü pano phiküzü xape pa pukhu lo qhatsü, eno no afuko igha sheshu, “Jehu no Akükau shivae.”

YEKIKITHI ATUGHIU 29:13

Itehi, ningu no O shikimthi eno O je kughushu sheqhe ani O ni Lhou.

YEKIKITHI ATUGHIU 29:21

Panongu no Ampeu lau aghakishi kümllagho tsü, eno tishiwo thoghiu no amshitsü, ambetsü, eno ambeti qhethonhe lakhikhi pesü akipti kümllagho shi ghi atsaiji kümllagho gholono Israelmi kümtsü ghenguno mllae.

YEKIKITHI AKINIU 23:11

Tishino panongu no akükau nu saipeghi no akütsükuqho pa pipe eno ashepe pa tsü. Panongu no pa pesü akükau kepi sheshu, eno Jehoiada ngo pa nuli no pa nukisheve, tishino panongu no pi, “Akükau axüshu peniu!”

MATTHEW 21:9

Jisü züu eno pa thiu aqokitikhi chekeqo no ighamku, “David Nu Sheqhelo! Khuu no Ampeu je lono cheni keno Alhou no pa kümgha tsülo! Kungugha lono Alhou sheqhelo!”

MATTHEW 22:4

Itaghi pa no aqemi kütami puwu no pi, ‘Kuküsümi vilo pilo, “Ni ye I ghulhu kutope qhivae, athakupu mishitsü ngo amshiti heqhi no qhoi kutope ani. Külakupu ghulhu lo ighilo.”’

Luke 19:38

“Ampeu je lono akükau khuu cheni keno Alhou no kümgha tsülo! Kungugha lo iqüghai eno kungugha kiqhe lo ajekipi shilo!”

SAMUEL ATUGHIU 10:24

Samuel no timi kümtsü vilo pi, “Ampeu no khuu kisheve akeno nongu ye pa ithulu anima? Timiqo dolo khumu pa toikeu kühae.” Eno kümtsü no ighamku, “Akükau axüpushu peniu!”