KUKAMI AKINIU 9:3 - Sumi Naga CL (Re-edited) Bible (BSI)

³ Tishino thazü külabo pesü pa kütsü lo lepuku no pilo, ‘Ampeu no ishi piani, I no o pesü Israel kükau shi nukishe ani.’ Tishino ahukikha khaqhi no mtazü ngomo no povelo.”

BAIBEL (BSI)

³ eno oliv teli hipau pesu pa kutsulo lepuku tsuno pilo, ‘AMPEU no shuphetsu anike pano opesu Israil kukau shipenikeu shi kishe ani’ ipilo. Tishino mtazu a-a tipau qhivelo.”

KUKAMI AKINIU 9:3 Iomraidhean Croise

KUKAMI ATUGHIU 1:34

Achineu Zadok ngo tungkupu Nathan pama pelo pa pesü Israel kükau shi nukishe pelo. Tishino afuko igha no pilo, ‘Akükau Solomon axüpushu peniu!’

KUKAMI ATUGHIU 19:16

Eno Nimshi nu Jehu pelo Israelmi kükau shipenike nukishe lo, Abel-meholahmi Shaphat nu Elisha pelo o züqhulo tungkupu shipenike nukishe lo.

KUKAMI AKINIU 8:13

“O qeu ye kiu kea, pa ye atsü ke kishino akümla kije hitoi keu shiluni kea?” ipi Hazael no pi. Elisha no khochile, “Ampeu no I piyeve ake nono Syria lo akükau shive nani.”

KUKAMI AKINIU 9:6

Ikehu pa no ithu no aki lo ilove. Alhotheu no thazü pesü pa kütsü lo lepuku tsüno pi, “Ampeu, Israel Lhou no ishi piani, I no o pesü AMPEUw timi, Israelmi shou akükau shi nukishe ani.

YEKIKITHI AKINIU 22:7

Ikemu Joram pütsa niye wuke lono Ahaziah pelo ikiqive penike Alhou no kughuve. Ikehu kughou pa no tilau ighi keno, pa no Jehoram gholono Nimshi nu Jehu pütsa niye ipe; Jehu ye Alhou no Ahab kibo kütsave peniye nukishe ke.

IPEKULU 29:7

Nukikishe thazü pesü pa kütsü lono leqhi no pa nukishe lo.

DANIEL 2:1

Nebuchadnezzar yepe mpe akiniu lo, Nebuchadnezzar no asamo pumo; pa ghungu küpünape pa ye zühu mlave.

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

DANIEL 5:18

O akükau, Shishe Akiqheu Lhou no aküka, kiqhekighe, ajuküvü eno kükanguagha o pu, Nebuchadnezzar tsüe.

ACHINE 8:12

Pa no thazü pesü Aaron kütsü lo sütsü no kishekimtheve.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

MATTHEW 2:13

Kughou panongu no wove keno, julo, Ampeuw kungumi lakhi no asamou no Joseph lau ipeghi no pi, “Ithulo, eno anu ngo paza sasü Egypt lo povelo, eno I no o vilo pimoke kutolo tilau ngo aghilo, kughengu Herod ye anu kütsave nike phuniye ani.”

MATTHEW 26:7

totimi lakhi no alabaster külabo lo amekusho xokütsüngü pesü pa lau ighi, eno pa no chusho akelono li no pa kütsü lo lepuku tsüe.

SAMUEL ATUGHIU 10:1

Tithiu Samuel no thazü bohu ikhiphepe Saul kütsü lo lepuku no pa müma eno pi, “Ampeu no Paw timi Israelmi shou yepeu shi penike o nukisheve ake kumo keshea? Nono Ampeuw timiqo shou ayepe nani eno aghümi pano homxape akemi launo panongu xalu nani. Ampeu no o pelo Pa mheghi shou sakipheu shi penike o nukishe keu michipu hino shinani.

SAMUEL ATUGHIU 15:1

Samuel no Saul vilo pi, “O nukishepe Israel shou akükau shipeni ye Ampeu no I puwue; tighenguno itehi Ampeu tsa inilo.

SAMUEL ATUGHIU 15:17

Samuel no pi, “O müzülo no ye aghulo kepi aghimu no ye Israel shiaye kümtsü kütsüke kumo keshea? Ampeu no o nukishepe Israel kükau shike.

SAMUEL ATUGHIU 16:2

Samuel no pi, “Ni ye kishino wuni kea? Saul no chiluve aye, I heqhive nani.” Ampeu no pi, “Amshiti lakhi o gholo pewu no pilo, ‘Ni ye Ampeu lau aghakishi tsüniye ighi ani.’

SAMUEL ATUGHIU 9:16

“Thoghiu hipa ghuloki lo I no Benjamin yeghi lono timi lakhi o lau puwu nani, eno pa pelo Israel lo Iw timiqo shou sakipheu shi penike nono pa nukishe lo. Pa no Philistiami u lono Iw timiqo xalu nani. I no Iw timiqo ithuluvae, kughengu panoqo ghügha ye I lau ighivae.”