KUKAMI AKINIU 9:20 - Sumi Naga CL (Re-edited) Bible (BSI)

²⁰ Itaghi aghukheu no kütüghü, “Atsapeu ye panoqo kusholu kemu idewo chemoe, eno khurkulu sache keu jukelo Nimshi nu Jehu no toi ani, kughengu pa ye alhoaye lono khurkulu mqhumzai sachenie.”

BAIBEL (BSI)

²⁰ Aghukhuuno itaghi pithi keuno aghinikishiu ye ti amqo chechekeu toluva ikemu pa ghi idechile wochemoe ipi. Eno highi ishi pi, “Ti amqo saphetouno pawu khurkulu muqhumuzai sasu checheni eno paye Nimshi nu Jehu toi ithulu ani!”

KUKAMI AKINIU 9:20 Iomraidhean Croise

SAMUEL AKINIU 18:27

Aghukheu no pi, “I no kümsüju kelo atüghüu ye Zadok nu Ahimaaz kupo toi ani.” Akükau no pi, “Pa ye timi kivimi eno asütsa kivi pecheni.”

KUKAMI ATUGHIU 19:17

Hazael zütakikihi lono pokalu keqo no Jehu no pithive nani, eno Jehu zütakikihi lono pokalu keqo no Elisha no pithive nani.

KUKAMI AKINIU 10:16

Pa no pi, “I gholo ighilo eno I no Ampeu lau amlo tsüche keu julo.” Ikehu Jehu no pa paw khurkulu lono pa sasü wu.

KUKAMI AKINIU 9:19

Itaghi pa no khurshimi akiniu puwu no pipe, “Akükau no ishi piani, ‘Külakishi vehu kema?’” Jehu no khochile, “No ye külakishi vehu lo kiu shikepu ani kea? Tsüghüve no I papelo.”

KUKAMI AKINIU 9:2

Nono ti tokelo Nimshi nu Jehoshaphat nu Jehu phulo. Pa lau wuno pa küsami gholono pa kütashi sasü achebo alou ilolo.

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

ISAIAH 54:16

Julo I no ayikiyiqimi lhopheve ake, panoqo no ami shipüzü, avehupu ghenguno aghünanu iqiphe nani. I no kütsakungove chekeu hu ghi lhopheve ake.

DANIEL 11:44

Ikemu kipelau eno ahuu sütsa huno pa shithüghüive nani, pa no axukighide kije lono timi kutomo kütsani ke wu nani.

HABAKUK 1:6

Kughengu julo, hu kukhukimji eno ngosükümla shiye Chaldeami I no puthu ani, panongu ye panow kumomu süxa luveni ye ayeghiqha xü cheni.

HABAKUK 3:12

Nono axukighide lono ayeghi katha eno amlokighide lono shiyeqo qodaqhi.