KUKAMI AKINIU 9:19 - Sumi Naga CL (Re-edited) Bible (BSI)

¹⁹ Itaghi pa no khurshimi akiniu puwu no pipe, “Akükau no ishi piani, ‘Külakishi vehu kema?’” Jehu no khochile, “No ye külakishi vehu lo kiu shikepu ani kea? Tsüghüve no I papelo.”

BAIBEL (BSI)

¹⁹ Itaghi aghinimi kutau lakhi puwu eno pa ghi puzuu inijukeu tho tsa pesu iniju. Ikelono Jehu no khochile, “Okumlapu kumoe, kumu ti iniju akepu kuha! Ithiu wono ipapelo” ipive.

KUKAMI AKINIU 9:19 Iomraidhean Croise

KUKAMI AKINIU 9:11

Kughou Jehu no pa mpeu qemi lau ipeghi keno, panongu no pa vilo pi, “Thokha achipi shi anima? Hi anikhau ye kushiye o lau ighi kea?” Pa no pi, “Nongu no timi eno pa tsapi ithi ani.”

KUKAMI AKINIU 9:17

Aghukheu no Jezreel qoghe lono pishipuwo Jehu ngo paw timiqo cheghi keu ithulu kehu ighi no pi, “Timi mqo lakhi chekeu I no ithulu ani.” Joram no pi, “Khurshi lono milakhi puwu no pa pelo panoqo kusho no pi pelo, ‘Külakishi vehu kema?’”

KUKAMI AKINIU 9:18

Timi huno khurshi lono pa kusho luno pi, “Akükau no ishi piani, ‘Külakishi vehu kema?’” Jehu no pi, “No ye külakishi vehu lo kiu shikepu ani kea? Tsüghüve no I papelo.” Aghukheu no kütüghü, “Atsapeu ye panongu kusholu kemu idewo chemoe.”

KUKAMI AKINIU 9:20

Itaghi aghukheu no kütüghü, “Atsapeu ye panoqo kusholu kemu idewo chemoe, eno khurkulu sache keu jukelo Nimshi nu Jehu no toi ani, kughengu pa ye alhoaye lono khurkulu mqhumzai sachenie.”

ISAIAH 48:22

“Kixikilami ghenguno aloino keu kühae,” Ampeu no pi.