KUKAMI AKINIU 9:17 - Sumi Naga CL (Re-edited) Bible (BSI)

¹⁷ Aghukheu no Jezreel qoghe lono pishipuwo Jehu ngo paw timiqo cheghi keu ithulu kehu ighi no pi, “Timi mqo lakhi chekeu I no ithulu ani.” Joram no pi, “Khurshi lono milakhi puwu no pa pelo panoqo kusho no pi pelo, ‘Külakishi vehu kema?’”

BAIBEL (BSI)

¹⁷ Aghukheu no Jezril qoghe lono pishipuwo Jehu ngo pawu timiqo cheghikeu ithuluno ighamuku pi, “Timi khami pochekeu ithulu ani,” ipi. Joram no khochile, “Khurshi lono timi lakhi puwuno pa pelono shompami keo aghumi checheni keno wuno kimchi sughilo” ipi.

KUKAMI AKINIU 9:17 Iomraidhean Croise

SAMUEL AKINIU 13:34

Ikelo Absalom ye pove. Eno apumi aghukheu no jupuwo kelo timi kutomo pa thiu naghuto hokümxa lo alalo cheghi keu ithulu.

SAMUEL AKINIU 18:24

David ye khagho kini dolo iqa aghi, eno aghukheu no khagho kütsüqa lo ikuno pishipuwo jukelo, timi lakhi pocheghi keu ithulu.

KUKAMI ATUGHIU 2:15

Pa no pi, “Nono ithi anike kükaqha ye Iw shiae, eno Israelmi kümtsü no I no ayepe nani kepi huqhe akemu tutsüghüpe I thiküzüu saje shive, kughengu Ampeu no pa saje shive tsüe.

KUKAMI AKINIU 7:14

Ikehu panongu no khurshimi kini kuluve, eno akükau no Syriami ghüshimi lau puwu no pi, “Wuno julo.”

KUKAMI AKINIU 9:11

Kughou Jehu no pa mpeu qemi lau ipeghi keno, panongu no pa vilo pi, “Thokha achipi shi anima? Hi anikhau ye kushiye o lau ighi kea?” Pa no pi, “Nongu no timi eno pa tsapi ithi ani.”

KUKAMI AKINIU 9:16

Tishino Jehu no khurkulu lo ikuno Joram no akulho qhi ake-a Jezreel lo wuve. Judah kükau Ahaziah ghi pa pütsa niye tile iqi ngoa ae.

KUKAMI AKINIU 9:18

Timi huno khurshi lono pa kusho luno pi, “Akükau no ishi piani, ‘Külakishi vehu kema?’” Jehu no pi, “No ye külakishi vehu lo kiu shikepu ani kea? Tsüghüve no I papelo.” Aghukheu no kütüghü, “Atsapeu ye panongu kusholu kemu idewo chemoe.”

KUKAMI AKINIU 9:19

Itaghi pa no khurshimi akiniu puwu no pipe, “Akükau no ishi piani, ‘Külakishi vehu kema?’” Jehu no khochile, “No ye külakishi vehu lo kiu shikepu ani kea? Tsüghüve no I papelo.”

ISAIAH 56:10

Pa ghukhemi ye anhethi ichevae; panongu kümtsü akighithi kühavae; panongu kümtsü atsü ighamo keu toike; panongu ye atsü toi ihozü no asamo pumo keu no apulou kethono kütami ghemlavae.

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

SAMUEL ATUGHIU 16:4

Ampeu no azah tsüke toi Samuel no tishi nike Bethlehem lo ighi. Mishiphu tipau lo layemi no pa sasü kushoni ye msa khokhoshi ighi no pi, “No ye külakishi lono ighi anima?”

SAMUEL ATUGHIU 17:22

David no thimeqo pesü jukükütsüu u lo qhive tsüno kichi-iti no ake küdau powu no pa munoqo sasü petha shi.