KUKAMI AKINIU 7:4 - Sumi Naga CL (Re-edited) Bible (BSI)

⁴ Ningu no, ‘Ningu mishighüna lo iloni,’ ipi aye püqümiye no mishighüna lo ani, eno ningu ye tilauno thive nani. Ningu no hile iqa anamu tighi thive nani. Ikehu ningu Syriami ghazü lo wuni shilo. Panongu no ni püxütsü aye ningu ye xülu niae; ni heqhive namu ningu ye thive niae.”

BAIBEL (BSI)

⁴ Aphughilo ilonamu kumu avehupu kuha, kughengu tilau wuaye akhuno thivenia; hilehi ngo anikeu ghi thiveni cheni. Tighenguno ningu Siriyami ghazulo wuni. Tsala panonguno ni puxutsu aye ninguye xuluniae; le ni heqhive kepu shi pinamu ninguye thivenia.”

KUKAMI AKINIU 7:4 Iomraidhean Croise

SAMUEL AKINIU 14:14

Ayeghi lo azü peleve kelo likütsü kithemla ketoi ningu kümtsü thive nani. Ikemu Alhou ye aküxü luvetsü chemoe, eno Pa no alaghi hami phuphetsü cheni, tishianguno hapupove kemi ye khalau tishi auve chemoe.

KUKAMI AKINIU 6:24

Ghulo kütau Syria kükau Ben-hadad no paw ghüshimi kümtsü hekütsü sasü iqho Samaria khasü luve.

KUKAMI AKINIU 7:5

Ikehu züghüi ake lono panongu no ithu Syriami ghazü lo wuve, ikemu panongu no aghazü phivilo ighi kelo khumu kühave aghi.

YEKIKITHI ATUGHIU 12:19

Kughou David no Philistiami gholono Saul sasü aghü shiniye ighi keno, Manasseh lagha lo khami no David lau poighive. (Ikemu Philistiami yepemi no kuchughupe, “Pa ye ni kitimeve no pa mpeu Saul lau pove nani” ipive no David puwuve, ikehu pa ye Philistiami kuphu mlave.)

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

JEREMIYA 8:14

Kushiye ningu ye iqa aphia? Kumqo lo, ningu aliwo kumto phughiqo ilo no tileno thiveni, kughengu Ampeu ni Alhou no ni pühaveni ke kughuvae, eno tüghü zü pesü ningu piyeni ke tsüvae, kughengu ningu no Ampeu lau axine shiveke.

JONAH 3:9

Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,