KUKAMI AKINIU 7:13 - Sumi Naga CL (Re-edited) Bible (BSI)

¹³ Pa qemi lakhi no pi, “Timi khami pelo khurshi achili pungu akeu sasü ipeju pelo. Panongu no avesave namu hile akemi veküsa toi atho shinani. Ningu timi puwu no juni.”

BAIBEL (BSI)

¹³ Pa gholo kijemi lakhino pi, “Aphughi hilehi ngo akemiye avekusa sholuni putsa, azuuno thivekeqo toi nani putsae. Tighenguno timi khami gholo khurshi pungu qhivekeu hapuwuno kiu shivekeno ithi kepushi penie.”

KUKAMI AKINIU 7:13 Iomraidhean Croise

KUKAMI AKINIU 5:13

Ikemu pa qemi no pa vilo pi, “I pu, tungkupu no o vilo kushokütsü tsa pinamu no ye shiveni cheke kumo? Pa ye o vilo, ‘Qhuve no mithe luve lo,’ ipike kumo keshea?”

KUKAMI AKINIU 6:33

Pa no pi aphi lono, atsapeu no pa lau iqighi no pi, “Aküküpna hipau ye Ampeu launoe! Ni ye kushiye Pa kheani kea?”

KUKAMI AKINIU 7:12

Akükau no putho lono ithu no pa qemi vilo pi, “Syriami no kiu kughu ani keno I no nongu vilo pini. Ningu no püqü akeu panongu no ithi ani. Tighenguno panongu ye itshü niye pano ghazü qhive no aluza lo wuve no kümsü ani, ‘Kughou panongu no mishighüna lono ipeghini keno, ningu no aküxü no panongu kügha luveni eno aphughi leluveni.’”

KUKAMI AKINIU 7:14

Ikehu panongu no khurshimi kini kuluve, eno akükau no Syriami ghüshimi lau puwu no pi, “Wuno julo.”

KUKAMI AKINIU 7:4

Ningu no, ‘Ningu mishighüna lo iloni,’ ipi aye püqümiye no mishighüna lo ani, eno ningu ye tilauno thive nani. Ningu no hile iqa anamu tighi thive nani. Ikehu ningu Syriami ghazü lo wuni shilo. Panongu no ni püxütsü aye ningu ye xülu niae; ni heqhive namu ningu ye thive niae.”

JEREMIYA 14:18

I no aluza lo wu aye julo, ghiqhive kemi ithulue! I no aphughi lo ilo aye akhüava no ghave kemi ithulue! Kughengu tungkupmi ngo achinemi no pano no mthakeu yeghi lo kilhisho shike.’”

AKUMLO 4:9

Ghüyi lono wove kemiu no aluza lo axathi küküha vecheo akhüava no chuxuqhi thive kemi nguno angukiviue.