KUKAMI AKINIU 6:9 - Sumi Naga CL (Re-edited) Bible (BSI)

⁹ Ikemu Alhou timi no asütsa Israel kükau lau pi puwu, “A-a tipau katha kevilo, kughengu Syriami no tilau iqi cheni.”

BAIBEL (BSI)

⁹ Ikemu Elisha no asutsa pesu Israil kukau lau khilemu tilau wukevilo pi hakhave kughengu Siriyamino asumini pholo ngono ala khe akhani ke.

KUKAMI AKINIU 6:9 Iomraidhean Croise

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI AKINIU 4:1

Tungkupmi loji lo milakhi nipu achimeu no Elisha vilo ighamku pi, “O qeu, I kimi ye thivae, eno nono ithi anike o qeu ye Alhou sümsa chekemi, ikemu pa no timi lakhi pi puakeu huno ighi püzü I nu pama aqemi shi penike sawuve niye ani.”

KUKAMI AKINIU 4:27

Kughou li no Alhou timi lau atoghi lo ighi keno, li no pa pukhu küghape ngove. Gehazi no li tuchile niye shi kemu Alhou timi no pi, “Palokuto lo, kughengu li ye ighono amlo küsashi ani eno Ampeu no hipau ghili I launo küsüve no kiumu pi püamoe.”

KUKAMI AKINIU 4:7

Li no Alhou timi lau ighi no pi kelo pa no pi, “Wuno thazü jepe o piashe kümtsü lovelo, eno achili pesü o nu pama sasü ililai xülu nani.”

KUKAMI AKINIU 6:10

Israel kükau no a-a khikhi Alhou timi no kichetsü keno ti kheluve pe. Titoi pa no akükau kütüghü che, ikehu akükau ye ghuthu lakhi kini pa ampi süsholue.

KUKAMI AKINIU 6:12

Panongu lakhi no khochile, “Ningu khunomu kumoe, O akükau, I mpeu, ikemu Elisha tungkupu khuu Israel lo acheni keno, pa no nono tuqhouno o züabo lono pikeu tsaqo pe akükau vilo pive cheni.”

KUKAMI AKINIU 6:8

Ghuthu lakhi Syriami kükau no Israelmi sasü aghüshi akehu akükau no paw kijemiqo pütsa no pi, “A-a hipaqo lo I ghazü shini.”

JOB 5:12

Pa no mqümghami kukughu hexavetsü cheni, ikehu pano no mlaitha keu kiu nomu tolu chemoe.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

AHOLE 22:12

Ampeu nhethi ye akighithi shou jupuku acheni, ikemu Pa ye kimkimi tsa hasüve tsü cheni.

JEREMIYA 11:18

Ampeu no I piye eno I no tipau ithive; tishino panongu kümla I piye.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,