KUKAMI AKINIU 6:20 - Sumi Naga CL (Re-edited) Bible (BSI)

²⁰ Panongu no Samaria to kemtsa, Elisha no pi, “O Ampeu, timi hipaqo nhethi xükho tsüno ithulu pelo.” Ikehu Ampeu no panongu nhethi xükhotsü eno panongu no ithuluve, ikelo panongu ye Samaria lo aghive.

BAIBEL (BSI)

²⁰ Panonguno aphughi tolukemtsa, Elisha no inikhu, “Panongu nhethi lhaphetsulo, AMPEU eno panongu pelo ithukulupu shitsulo.” AMPEU no pa kighini khochile tsu; pano panongu nhethi lhaphetsu ikelaye panonguye Samaria phughi alou ngo aghivekeu ithulu.

KUKAMI AKINIU 6:20 Iomraidhean Croise

KUKAMI AKINIU 6:17

Tishino pa no inikhu, “O Ampeu, kimiyeno pa nhethi xükho tsüno pa pelo ithulu pelo.” Ampeu no aqeu nhethi xükho tsü, eno julo, atoghi lo ami khurshi ngo khurkuluqo no Elisha homxape aghikeu ithulu.

KUKAMI AKINIU 6:19

Elisha no panongu vilo pi, “Nongu ye alaghi kumo lo cheni, eno hi ye nongu no leniye chekeu mishighüna kumoe. I papelo eno I no nongu no phuche keu timi lau sawuni.” Pa no panongu sasü Samaria lo wuve.

AKIKIHI 22:31

Tileno Ampeu no Balaam nhethi xükhotsü, eno pa no AMPEUw kungumi azütakikihi pesü alaghi lo puthugho aghikeu ithulu. Balaam no pa gi pishiqhope ayeghi lo ikiqive.

Luke 16:23

pa no amiyizü lo ighono kushuküqha shi ime akelo pa gi peqhepe jukelo Abraham ngo pa phivilo Lazarus putou ngo aghi keu ithulu.

Luke 24:31

Tileno pama nhethi xükhotsü eno pama no pa michiluve. Ikemu pa ye tipa mtsa pama zülono hauve.