KUKAMI AKINIU 5:7 - Sumi Naga CL (Re-edited) Bible (BSI)

⁷ Israel kükau no yesü philu kelo pa phi süxüve no pi, “Ni ye Alhou keo, pithive eno püxülu nani kesheno kushiye timi hipau ye apüghau shipivi tsülopi I lau atsa pi puwu ani kea? Hi kümsüju lo, pa ye I sasü kumgho niye amqü shi ani.”

BAIBEL (BSI)

⁷ Kughou Israil kukauno yesu philukeno akumza kelauno pa phi suxuve eno akichiqhi ishipi, “Siriya kukau ye kishino niye timi hipau shipivi lunanipi laju ani kya? Paye niye Alhou, khuu akithi akuxu kuka pecheni keno tipau kughashi kumsu anike sha? Paye bidelauno isasu kichighiniye amuqu shi ayeakena!”

KUKAMI AKINIU 5:7 Iomraidhean Croise

BOTHUBO 30:2

Jacob ye li shou axuideve, eno pa no pi, “Alhou khuu no o launo atita lo xathi lakhave tsü akeno, ni ye Pa-a lo ngo ani keshea?”

BOTHUBO 37:29

Kughou Reuben no aqokutho lo ideighi no Joseph kühave aghi keu ithi keno, pa no pa kuuphi süxüve,

BOTHUBO 50:19

Ikemu Joseph no panoqo vilo pi, “Msa kevilo, kughengu ni ye Alhou lakhü lo ngo ani keshea?

SAMUEL AKINIU 1:11

Tithiu David no pa phimini tsüqü luve no süxüve, eno pa gholo timi akeqo kümtsü no tihutoi shie.

KUKAMI ATUGHIU 20:7

Tileno Israel kükau no aghakhu lo sakiphemi kümtsü kuno pi, “Hi ithilo, timi hipau ye kishino alhoksa shini keno phu ani, kughengu pa no I vilo I nipu I nuliqo, eno Iw ghükayi ngo ameshoyi kümtsü khuke ni ghi milive moe.”

KUKAMI AKINIU 11:14

Li no jukelo akükau ye akhuaye kiqi lono atsükucho phivilo puthugho aghi, eno keptenqo, afuko küighami ngo timi kümtsü no alokivi shi igha no afuko igha aghi. Athaliah no li phi süxüve no ighamku, “Pishikiqhi! Pishikiqhi!”

KUKAMI AKINIU 18:37

Tileno kükaki jukükütsüu Hilkiah nu Eliakim, akiyeu Shebnah, ngo yekükütsüu Asaph no panongu phimini süxüve no Hezekiah lau ighi eno pa vilo Rabshakeh tsaqo pi.

KUKAMI AKINIU 5:6

Pa no yesü ishi yepüa keu pesü Israel kükau tsü, “Kughou yesü hipau no o toni keno, o pelo I qeu Naaman apügha lono shipivi tsü penike I no o lau puwu anie pi ithi tsülo.”

JEREMIYA 36:24

Ikeghi akükau na paw kijemi atsa chilu kemi namu khunomu msamoe, momu pano phimini süxümoe.

DANIEL 2:11

Akükau no iniju akeu vehu ye kushokütsüe, eno alhou khunono ashi lo xüchemo keno panoqo no kumo aye khunomu akükau piyemla nani.”

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

AKIKIHI 14:6

Eno ayeghi pujuwu kemi gholo Nun nu Joshua ngo Jephunneh nu Caleb pama no pama phimini süxüve

MATTHEW 26:65

Tile achinetou no pa phi süxüve no pi, “Pa ye Lhoupiküptha tsa pivae. Ningu ye thopimi kütami kiu avehupu shini kea? Itehi nongu no paw piküptha tsa chiluvae.

Luke 11:54

eno pa no kiuala pikeu lono pa kitimeni kehu miqepe khea.

Apostolmi 14:14

Ikemu kughou apostolmi Barnabas ngo Paul pama no ti chilu keno, pama no aphimini süxü ghi posü aqokitikhi gholo ilo no ighamku,

ZAKINIU 32:29

Panongu no alokütsü aghike aye hi vethaluni cheke; panongu ye ashekha vehu kimchi luni cheke!

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.