KUKAMI AKINIU 5:27 - Sumi Naga CL (Re-edited) Bible (BSI)

²⁷ Tighenguno Naaman pügha ye alholo ghenguno no eno o lagha shou ikughi niae.” Ikehu pa ye apügha no mürasü kimiye toi xapusü Elisha launo wuve.

BAIBEL (BSI)

²⁷ Tighenguno Naaman kusu huno oshou ikughiniae eno tiye no eno olaghaqo lau alhokuthu acheuvenia!” Kuchono Gehazi no cheve kemtsa paye apugha kusu hu ithuluve, pa yikono murasu kimiyetoive.

KUKAMI AKINIU 5:27 Iomraidhean Croise

SAMUEL AKINIU 3:29

Tipau ye Joab kütsü shou eno papu kibolomi shou ikuve peni, eno Joab lagha lo aphighü lo aji pole kemi, apügha kupumi, azütakikihi lono ikiqive kemi kühave pemoni momu ashopa kupukuno shikemi momu azüngü peitha ithi kemi kühave peniu!”

KUKAMI AKINIU 15:5

Ampeu no akükau buve, ikelo pa shou apügha ikughive eno tino pa küxü kupuju acheuve. Pa ye pa ki kütashi ngoche. Pa nu Jotham no aghakhu vehu kümtsü jukütsü, eno timiqo shou ayepe che.

KUKAMI AKINIU 5:1

Syria kükau ghüshimi shou zatsüu, Naaman ye pa kükau zülo akighichemi eno amlo kuchuu lakhi, kughengu Ampeu no pa vecheo tokulu pesü Syriami tsüe. Pa ye aghütomi ikemu apügha puche.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 4:6

Itaghi, Ampeu no pa vilo pi, “Ow hebephi alou o u chuxusülo.” Pa no pa u chuxusü, eno kughou ti ikhiphe keno, julo, pa u ye apügha no mürasü toive aghi.

HOSIYA 10:13

Nongu no axine hokide; nongu no achipikumo xolue; nongu no akimki xathi xochue. Kughengu nongu no nongu shou likhi eno now ghüshimi aqokitikhi shou pükhübeve,

ACHINE 13:10

eno achineu no pa chhejuni. Apiyi akeu qhalo ayiko no phalai, amhi no metsüghoi eno ani pu aghi aye,

ACHINE 13:25

achineu no pa jukutoni. Tipa-a lo amhi no metsüghoi eno ayiko no itanheive aghi aye, ti ye ami no pitike-a lono apügha ipeghive akehu achineu no timi huye mithe movae pi shuphe tsüni.

AKIKIHI 12:10

Kughou khüngküsü no Aphiki lono ikuve keno, Miriam yiko lo mürasü toi apügha ipeghive. Aaron no li küdau jupuwo kelo julo, li ye apügha pu aghive.

Apostolmi 5:10

Paikhavi li ye Peter pukhu philo ikiqive no atuthu kishekhave. Apumiqo no iloghi kelo li ye thive aghi, eno panongu no li khapewo li kimi phivilo shiqhove.

Apostolmi 5:5

Ananias no hi chilu kemtsa iluqi thive, eno ti chilu kemi kümtsü shou akümsa ikughive.

Apostolmi 8:20

Ikemu Peter no pi, “Ow ghükayi ye o gholono pühave peniu, kughengu no ye pisa pesü Alhouw kümsagho qhülu nanie pi kümsü anie!

1 Tim. 6:10

Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.

JOSHUA 7:25

Eno Joshua no pi, “No ye kushiye aghime ni lau süghi kea? Ishi tsala lono Ampeu no o lau aghime süghi ani.” Eno Israelmi kümtsü no atu pesü Achan veqhi pithive. Panongu no atu pesü veqhive eno ami lono pitive.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.