KUKAMI AKINIU 5:22 - Sumi Naga CL (Re-edited) Bible (BSI)

²² Pa no pi, “Thokha achipi shi ani. Ikemu I mpeu no I puwu no hi pilo pike, ‘Itehi no tungkupmi nu kini Ephraim toghi ghakhu lono I lau ighi ani. Kimiyeno ghükayi ahu 34 eno aphiküzü atüna kini ishi pama tsülo.’”

BAIBEL (BSI)

²² Gehazi no pi, “Kumu kumoe. Ikemu impeu no ihapuwuno ovilo hi pitsulopike, itehino tungkupumi kini Efraim toghi kudauno ighi ani ikehu paye opelono tsandiyi 3,000 aphi aloke atuna kini ishi tsupenishi anie.”

KUKAMI AKINIU 5:22 Iomraidhean Croise

KUKAMI ATUGHIU 13:18

Pa no Alhou timi vilo pi, “Ni ghi o toi tungkupmi, eno Ampeu tsa vecheo kungumi lakhi no I vilo pi, ‘Pa sasü o kilo ideighi no pa pelo asho chusho pelo.’” Ikemu pa ye miki ae.

KUKAMI ATUGHIU 20:35

Ampeu zakütsü lono tungkupmi loji lo milakhi no pa küsau vilo pi, “I heqhilo.” Ikemu pa no tishimoe,

KUKAMI ATUGHIU 20:39

Akükau no vechewu cheke lono tungkupu huno akükau kuno pi, “O qeu no aghüshiqa lo aghüshi akelono ghüshimi no timi lakhi I lau saghi no pi, ‘Timi hipau khelo; tsala pa kühave aye, o küxü no pa küxü kilini, momu no ye ghükayi ahu 34 tsüni.’

KUKAMI AKINIU 2:15

Kughou Jericho lono ighi kemi tungkupmi loji no pa ithulu keno, panongu no pi, “Elijah nguagha Elisha shou ikughivae.” Tishino panongu no pa sasü kushoni ke ighi no pa zülo pishiqho.

KUKAMI AKINIU 2:3

Bethel lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüi shilo.”

KUKAMI AKINIU 2:5

Jericho lo tungkupmi loji no Elisha lau ipeghi no pi, “Ampeu no ishi tsala lono o launo o mpeu sawuve niye akeu no ye ithi anima?” Elisha no khochile, “Iyei, ni ye ithi ani, qümüive lo.”

KUKAMI AKINIU 2:7

Tungkupmi loji pano lhopungu ghi pama papesü kümtsa wuve eno pama no Jordan mkülo puthugho akelo, panongu ghi putou puthugho ae.

KUKAMI AKINIU 4:26

Li lau posü huno pilo, ‘No ye thokha akivishi anima? O kimi eno o nu ye thokha akivishi anima?’” Li no khochile, “Thokha akivishi anie.”

KUKAMI AKINIU 5:21

Ikehu Gehazi no Naaman hawu. Kughou Naaman no pishipuwo timi lakhi pa hasü cheghi keu ithulu keno, paw khurkulu lono iqighi no pa vilo pi, “Thokha achipi shi anima?”

KUKAMI AKINIU 5:25

Tishino pa no aki lo ilo pa mpeu zülo puthugho, tile Elisha no pa vilo pi, “No ye khila wuve kea, Gehazi?” Pa no khochile, “O qeu ye khilamu wumoe.”

KUKAMI AKINIU 5:5

Syria kükau no pi, “Itehi wulo, eno I no Israel kükau lau yesü tsü puwuni.” Ikehu Naaman no ghükayi ahu qhethonhe chighibidi, ameshoyi ahu 66 eno aphimini küzüli kepu chighi pesü wuve.

ISAIAH 59:3

Kughengu nongu u ye aji no kitiqe püani eno nongu ulotiqo ye akimthe shiamoe. Nongu mütsü lo akimki ani; eno nongu mili no kixikila tsa pike.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

JEREMIYA 9:5

Kümtsü no pa kisüghümi pishiqhi, eno khunomu kuchou tsa pimoe; panongu mili pelo akimki tsa pi penike shikae; panongu ye axine shikeno akulhoshi cheni.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

JOSHUA 24:33

Aaron nu Eleazar ghi thive eno Ephraim ato ghakhu lo pa nu Phinehas mheghi shi tsükeu phughi Gibeah lo qhove.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

XAKUTHAMI 14:12

Samson no panongu vilo pi, “Sülekutho lakhi I no nongu vilo pini. Nongu no aghulhu tsala tsüni dolono tipau kiqi I vilo pilu aye, I no phepheike phi shighi eno aghulhu lo pepu chekeu phi shighi nongu tsünike khü ani;