KUKAMI AKINIU 5:20 - Sumi Naga CL (Re-edited) Bible (BSI)

²⁰ Alhou timi Elisha qeu Gehazi no pi, “Hi julo, I mpeu no Syriami Naaman hipau no peighi keu kiumu lumono pa püxüvae. Ampeu xüani ke I no pa hasü wuno pa launo kiuala mu luveni.”

BAIBEL (BSI)

²⁰ Elisha qeu Gehazi no pa likhi pa putsaghi pi, “Impeu ye Naaman launo kiu nhemgha mu lumono vejoi phepuwove! Paye Siriyami kijemi hipauno agho pa tsukeu luvekepu shiae. Xukuau MPEU jelono niye pa hasu huni eno pa launo thime hami khuluveni.”

KUKAMI AKINIU 5:20 Iomraidhean Croise

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI AKINIU 13:19

Ampeu timi huno amlo ideve no akükau vilo pi, “No ye ghuthu pungua tsüghoa kutolo kasü kepu thono, tishi aye nono Syriami qhoi pühave tsüni cheke, ikemu itehi ye no ye ghuthu küthü likhi panongu theqhilu niae.”

KUKAMI AKINIU 4:12

Pa no pa qeu Gehazi vilo pi, “Shunemmi aza kulo.” Kughou li no ighi no pa zülo puthugho keno,

KUKAMI AKINIU 4:25

Li no chesü Alhou timi no akeu Carmel Toghi lo ighi. Kughou Alhou timi no li chekeu ithulu keno, pa no pa qeu Gehazi vilo pi, “Julo, Shunemmi hu cheni.

KUKAMI AKINIU 4:31

Gehazi no azüushi wuno anu gi lo aküsü bepe qhitsü, ikemu asütsa küha momu aküxü michipu kühae. Tighenguno pa no idechile pa pütsa niye ighi no pi, “Anu ye ithughi mphie.”

KUKAMI AKINIU 4:36

Tithiu pa no Gehazi kuno pi, “Aza kulo.” Ikehu pa no li ku. Kughou li no iloghi keno, pa no li vilo pi, “O nu khapelu lo.”

KUKAMI AKINIU 5:16

Elisha no khochile, “Ampeu xüküau zülo I no puthugho anike ni ye kiumu lumoe.” Naaman no tsüikhomo pa tsü kemu pa no milive.

KUKAMI AKINIU 5:21

Ikehu Gehazi no Naaman hawu. Kughou Naaman no pishipuwo timi lakhi pa hasü cheghi keu ithulu keno, paw khurkulu lono iqighi no pa vilo pi, “Thokha achipi shi anima?”

KUKAMI AKINIU 6:31

Pa no pi, “Shaphat nu Elisha kütsü no pa bighi shou akeloye Alhou pelo ishi tsala lono hitoi I lau shipeniu.”

KUKAMI AKINIU 8:4

Akükau ye Elisha qeu Gehazi sasü küptsa aghi, “Elisha no akümzapu kümla shikeqo I vilo pilo.”

KUKAMI AKINIU 8:7

Elisha no Damascus lo ighi kelo Syriami kükau Ben-hadad ye süae. Kughou, “Alhou timi ye hilau ighi ani,” ipi pa vilo pi keno,

LESHELE 10:3

Kixikilami no pa mlo lo kümsü akeu pesü qheza cheni, eno alakimnemi no Ampeu ghusho eno milive cheni.

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

IPEKULU 20:7

“Nongu ye adou lono Ampeu nongu Lhou je peitha moni, kughengu khuu no adou lono Pa je peithani keno Ampeu no pa shou akipimi benani.

AHOLE 26:16

Akipichimi no pa likhi pa ye tsükhüi shi khochile chekemi timi tsüni nguno alokütsüu kepi kümsü cheni.

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

JEREMIYA 22:17

Ikemu nono o nhethi eno o mlo akeu ye achipi kumo lono ala shinikeu, pimihami ji peleni keu eno anguka lono qhasü nike ghengu likhino ke.”

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

MATTHEW 10:4

Aza yeghi kikimiyeu Simon; eno Jisü thechuve keu Judas Iscariot.

MATTHEW 26:9

Hi ye ame kutomo no jepe kumlhomi tsükulupu shiae.”

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

John 13:2

Kijiliu ghulhu shi akelo, tüghami no Simon nu Judas Iscariot mlo lo pa thechuni keu süvetsü.

John 6:70

Jisü no panoqo khochile, “I no no chighikini kishelu kekumo? Ikeghi nongu gholo lakhi ye tüghamie.”

Apostolmi 5:2

eno pama küptsave no jekulu pisa hami pama no qhiluve no hami likhi süwo apostolmi pukhu lo qhitsü.

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

Titus 1:7

Akhemi lakhi ye Alhou kibo jukükütsüu keke pa ye tukutiye küha aghi masae. Pa ye agho aghoshi moni, amloide kalo moni, momu shokümzümi, ngukangughami, ala shiniye alamine moni,

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

SAMUEL ATUGHIU 14:39

Kughengu Ampeu khuu Israel xalu cheni keno, Pa xü anike, I nu Jonathan no shi aghimu, pa ye mtsüqheino thini.” Ikemu khunomu pa khochile moe.