KUKAMI AKINIU 4:26 - Sumi Naga CL (Re-edited) Bible (BSI)

²⁶ Li lau posü huno pilo, ‘No ye thokha akivishi anima? O kimi eno o nu ye thokha akivishi anima?’” Li no khochile, “Thokha akivishi anie.”

BAIBEL (BSI)

²⁶ Li lau posu huno likimi eno li nu ye kumu shilusa mono animala iniju sughilo.” Lino Gehazi vilo thwokha kumtsu akivishi aniepi

KUKAMI AKINIU 4:26 Iomraidhean Croise

BOTHUBO 29:6

Pa no panoqo vilo pi, “Pa ye akivi shi anima?” Panongu no pi, “Akivi shi ani; eno julo, pa nonga Rachel ye ambe sasü chenie!”

BOTHUBO 37:14

Ikehu pa no pa vilo pi, “Itehi o mu noqo eno ambeloji ye akivi shi ani kemo keno juwulo, eno asütsa I lau süghilo.” Ikehu pa no Hebron Khila lono pa phepuwuve eno pa ye Shechem lo ideighive.

BOTHUBO 43:27

Eno pa no panongu ye kishi ani keno ighiju no pi, “Nongu papu, kitemi hu, khuu ghili nongu no pi keno, pa ye akivishi anima? Pa ye xüaphi kea?”

SAMUEL AKINIU 18:29

Akükau no pi, “Apumi Absalom ye akivishi anima?” Ahimaaz no khochile, “Kughou Joab no akükau qeu, o qeu puwu keno, I no ighono mbumghu akeu ithulu, ikemu ti ye kiu keno ni ye mthae.”

KUKAMI AKINIU 4:23

Li kimi no pi, “No ye kushiye ishi no pa lau wu masa kepu shive kea? Ishi ye Sabbath momu aqhi kithe pine kumoe.” Li no khochile, “Kumu kumoe.”

KUKAMI AKINIU 4:25

Li no chesü Alhou timi no akeu Carmel Toghi lo ighi. Kughou Alhou timi no li chekeu ithulu keno, pa no pa qeu Gehazi vilo pi, “Julo, Shunemmi hu cheni.

KUKAMI AKINIU 4:27

Kughou li no Alhou timi lau atoghi lo ighi keno, li no pa pukhu küghape ngove. Gehazi no li tuchile niye shi kemu Alhou timi no pi, “Palokuto lo, kughengu li ye ighono amlo küsashi ani eno Ampeu no hipau ghili I launo küsüve no kiumu pi püamoe.”

KUKAMI AKINIU 5:22

Pa no pi, “Thokha achipi shi ani. Ikemu I mpeu no I puwu no hi pilo pike, ‘Itehi no tungkupmi nu kini Ephraim toghi ghakhu lono I lau ighi ani. Kimiyeno ghükayi ahu 34 eno aphiküzü atüna kini ishi pama tsülo.’”

LESHELE 39:9

Ni ye atsa pimlavae; ni ye I kichi xükho movae, kughengu Nono I lau tishive tsü ake.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

ZEKHARIA 2:4

eno pa vilo pi, “Powu no lhothemi hupau vilo pilo, ‘Jerusalem ye aliwo küha keu phuqo toi küghüna nani, kughengu timi ngo pichepighi no shishe ikowoni cheni.

Apostolmi 15:36

Atsala hami thiu Paul no Barnabas vilo pi, “Nikujo Ampeu tsa pesü sheshuve keu mishighünaqo lo idewo no küpülümi kishi ani keno juni nolo.”

SAMUEL ATUGHIU 17:18

Eno athachi chighi pesü qhethonhe shou zatsüu ghi tsülo. O munoqo ye akivishi ani mala juno amchipu kiuala süghi lo.”

SAMUEL ATUGHIU 3:18

Tighenguno Samuel no kiumu küsü mono thokha kümtsü pa vilo pive. Eno pa no pi, “Ti huye Ampeu ke. Kiu no Pa ghenguno akivi ipi ithulu ani keno tishi pelo.”